मराठा आरक्षणासाठी मोहोळच्या दलित आमदाराचा राजीनामा 

सोलापूर : राज्यातील मराठा आमदारांचे राजीनामा सत्र सुरू असताना मोहोळ या राखीव मतदारसंघाचे आमदार रमेश कदम यांनी राजीनामा दिला आहे. आरक्षणासाठी राजीनामा देणारे ते राज्यातील पहिले मागासवर्गीय आमदार ठरले आहेत. 

मराठा आरक्षणासाठी पंढरपूरचे कॉंग्रेसचे आमदार भारत भालके यांनी राजीनामा दिला आहे. त्यानंतर अनुसूचित जातीसाठी आरक्षित असलेल्या मोहोळ विधानसभा मतदार संघाचे राष्ट्रवादीचे आमदार रमेश कदम यांनीही आरक्षणाच्या मुद्यावरून राजीनामा दिला आहे. लोकशाहीर अण्णाभाऊ साठे आर्थिक विकास महामंडळात झालेल्या गैरव्यवहार प्रकरणी आमदार कदम सध्या तुरुंगात आहेत.