मुख्यमंत्री फडणवीस आणि उद्योगमंत्री देसाई यांच्यातील भेटीत काय घडले ?
पुणे : एमआयडीसी जमीन गैरव्यवहारप्रकरणी अडचणीत आलेले उद्योगमंत्री सुभाष देसाई यांनी आज सकाळी मुख्यमंत्री देवेंद्र फडणवीस यांची भेट घेऊन राजीनामा दिला; मात्र हा राजीनामा मुख्यमंत्र्यांनी स्वीकारला नसल्याचे टीव्ही वृत्त आहे.
गृहनिर्माणमंत्री प्रकाश महेता यांची चौकशी राज्याच्या लोकायुक्तांमार्फत, तर उद्योगमंत्री सुभाष देसाई यांची निष्पक्ष चौकशी करण्यात येईल, अशी घोषणा मुख्यमंत्री देवेंद्र फडणवीस यांनी काल शुक्रवारी केली. मात्र, या निर्णयावर विरोधकांचे समाधान झाले नाही. महेता आणि देसाई या दोन्ही मंत्र्यांचे राजीनामे घेऊन त्यांची चौकशी करण्याची मागणी विरोधकांनी लावून धरली आहे.
देसाई यांनी एका वृत्तवाहिनीशी दूरध्वनीवरून बोलताना सांगितले, ``मी काल सायंकाळी शिवसेना पक्षप्रमुख उद्धव ठाकरे यांची भेट घेतली. त्यांना राजीनामा देण्याचा माझा निर्णय सांगितला. यावर ठाकरे यांनी मुख्यमंत्र्यांची भेट घेण्यास सांगितले. त्याप्रमाणे आज सकाळी मी मुख्यमंत्री फडणवीस यांची भेट घेतली. त्यांच्याकडे राजीनामा दिला. मात्र, मुख्यमंत्र्यांनी राजीनामा स्वीकारला नाही."
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.