नीरव मोदीला पैसे देणारा आमच्या कॉलेजचा नाही : शरद पवार 

पुणे: आमच्या बीएमससीसी कॉलेजमधून अनेक गुणवंत विद्यार्थी बाहेर पडले, ते आज मोठ्या बॅंकांत प्रशासक आहेत. नीरव मोदीला पैसे देणारा मात्र आमच्या कॉलेजचा नाही. यासंबंधीची खात्री मी केली आहे, असे राष्ट्रवादीचे अध्यक्ष शरद पवार यांनी सांगितले. 

येथील बीएमसीसी कॉलेजच्या मैदानावर शरद पवारांची बहुचर्चित मुलाखत नुकतीच सुरु झाली आहे. मनसेचे अध्यक्ष राज ठाकरे हे मुलाखत घेत आहेत. शरद पवार हे बीएमसीसीचे विद्यार्थी. यासंदर्भाने सांगा, अशी सुरवात राज ठाकरे यांनी केली. त्याला उत्तर देत असताना पवारांनी विद्यार्थीदशेचे अनुभव सांगितले. ते म्हणाले, आमच्या कॉलेजने अनेक विद्यार्थी देशाला दिले. ते मोठ्या बॅंकांमध्ये प्रशासक आहेत. राम नाईक हेही याच कॉलेजचे आहे. ते दुष्काळी आटपाडी तालुक्‍यातून आले. ते खासदार, केंद्रिय मंत्री झाले. आता ते उत्तर प्रदेशचे राज्यपाल आहेत.