रणजितसिंहांच्या हाती आला भाजपचा झेंडा

पुणे - राष्ट्रवादी कॉंग्रेसचे ज्येष्ठ नेते, माजी उपमुख्यमंत्री विजयसिंह मोहिते पाटील यांचे चिरंजीव माजी खासदार रणजितसिंह मोहिते पाटील यांनी अखरे आज कार्यकर्त्यांसह भाजपत प्रवेश केला. 

मुख्यमंत्री देवेंद्र फडणवीस, भाजप प्रदेशाध्यक्ष रावसाहेब दानवे यांनी रणजितसिंहांच्या हाती भाजपचा झेंडा दिला आणि त्यांचा भाजपमध्ये अधिकृत प्रवेश झाला. 

या वेळी महसूलमंत्री चंद्रकांत पाटील, जलसंपदामंत्री गिरीश महाजन, सहकारमंत्री सुभाष देशमुख, सोलापूरचे पालकमंत्री विजयकुमार देशमुख, शिक्षणमंत्री विनोद तावडे, कृषी राज्यमंत्री सदाभाऊ खोत, सोलापूर भाजप जिल्हाध्यक्ष शहाजी पवार यांच्यासह मोहिते-पाटील कुटंबिय आणि निष्ठावंत उपस्थित होते.