विदर्भवाद्यांचे उद्या रेल रोको आंदोलन
नागपूर : सातत्याने विदर्भ आंदोलन अयशस्वी होत असताना विदर्भवाद्यांनी उद्या (ता. 6) रेल रोको आंदोलनाची हाळी दिली आहे.
राज्याचे माजी महाधिवक्ता श्रीहरी अणे यांनी आंदोलनात उडी घेतल्यानंतर या आंदोलनाला वेग व ठोस दिशा मिळेल, असे वाटत होते. परंतु ही अपेक्षाही फोल ठरली आहे. नगरपरिषद, महापालिका व जिल्हा परिषदांच्या निवडणुकांमध्येही विदर्भवाद्यांना फारसे यश मिळाले नाही. विदर्भ राज्य आंदोलन समितीने पुन्हा सेवाग्राम येथून आंदोलनाची तयारी केली आहे.
आंदोलन समितीच्या बैठकीत हा निर्णय घेण्यात आला. या वेळी या आंदोलनाचे नेतृत्व राष्ट्रवादी कॉंग्रेसमधून आलेल्या राजकुमार नागुलवार यांच्याकडे देण्यात आले आहे. नागुलवार राष्ट्रवादी कॉंग्रेसचे नागपूरचे नगरसेवक राहिले आहेत. त्यांच्या नेतृत्वात आता जुन्या जाणत्या नेते विदर्भासाठी आंदोलन करणार आहेत.
या आंदोलनापासून श्रीहरी अणे मात्र दूर आहेत. अणे यांच्या नेतृत्वातील विदर्भ राज्य आघाडीचे कार्यकर्तेही या आंदोलनापासून दूर राहणार असल्याचे समजते. त्यामुळे सेवाग्राम येथे होणाऱ्या या आंदोलनाला कितपत यश मिळेल, हे उद्याच कळणार आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.