'किसन वीरांच्याकडे सोड' असे म्हणत पवार माझ्या बुलेटवर बसले!

1970 मधील घटना आहे. शरद पवार पुण्याहून एसटीने सातारला येणार होते. याची कुणकुण मला लागली होती. त्यामुळे मी दोन दिवस आधीच साताऱ्यात जाऊन थांबलो होतो. ते ज्या दिवशी साताऱ्यात येणार होतो त्यादिवशी मी सातारा बसस्थानक परिसरात मित्रांसोबत थांबलो होतो. शरद पवार एसटीतून स्थानकावर उतरले. त्यांनी मला पाहून हाक मारली आणि मी त्यांच्याकडे धावत गेलो. त्यांनी मला जिल्हा बॅंकेत किसन वीरांच्याकडे सोड असे सांगितले. त्यावेळी माझ्याकडे बुलेट होती. शरद पवार आणि मी एका बुलेटवरून पोवईनाक्‍यावरील जिल्हा बॅंकेच्या मुख्य कार्यालयात गेलो. जाताना श्री. पवार यांनी माझ्याकडून फलटणचे राजकारण, समाजकारण व तेथील युवकांची स्थिती या विषयीची माहिती जाणून घेतली. या अल्प प्रवासातही त्यांनी माझ्याकडून फलटण तालुक्‍यात नेमके काय चालले हे जाणून घेतले. श्री. पवार यांनी त्यावेळी माझ्या बुलेटवरून केलेला अल्प प्रवास माझ्या आजही स्मरणात आहे.