नवी दिल्ली : ग्रेट मॅच फिनिशर, आणि सर्वाधिक यशस्वी कर्णधार म्हणून ख्याती असलेला भारताचा माजी कर्णधार महेंद्रसिंग धोनी याने काल आंतरराष्ट्रीय क्रिकेटमधून अचानक निवृत्ती जाहीर केली. त्यानंतर धोनी याच्या पुढील वाटचाली अनेक जणांनी सोशल मीडियावर शुभेच्छा दिल्या. तर भाजचे ज्येष्ठ नेते खासदार सुब्रमण्‍यम स्‍वामी यांनी धोनीला लोकसभेची निवडणुक लढविण्याचा सल्ला दिला आहे.
शनिवारी धोनीनं निवृत्तीची घोषणा केल्यानंतर त्याला वेगवेगळ्या ऑफर येत आहेत. आता भाजचे खासदार सुब्रमण्‍यम स्‍वामी यांनी त्याला येत्या 2024 ची लोकसभा निवडणूक लढण्याचा सल्ला दिला आहे. याबाबत सुब्रमण्‍यम स्‍वामी यांनी टि्वट केलं आहे. या टि्वटमध्ये ते म्हणतात की एम एस धोनीनं क्रिकेटमधून संन्यास घेतला आहे. त्याच्यात उत्तम प्रतिभा, आणि नेतृत्व करण्याची क्षमता आहे. त्याने क्रिकेटमध्ये सर्वाक्तृष्ट प्रदर्शन केलं आहे. धोनीनं 2024 ची लोकसभा निवडणूक लढविली पाहिजे.
राष्ट्रवादी काँग्रेसचे अध्यक्ष शरद पवार यांनी माजी कर्णधार एम.एस. धोनी याचे कैातुक केलं आहे. ग्रेट मॅच फिनिशर, कॅप्टन कुल आणि सर्वाधिक यशस्वी कर्णधार म्हणून ख्याती असलेला भारताचा माजी कर्णधार महेंद्रसिंग धोनी याने अखेर काल आंतरराष्ट्रीय क्रिकेटमधून अचानक निवृत्ती जाहीर केली. स्वातंत्र्यदिनाचा महुर्त साधत इन्स्टाग्रामवर ‘ मै पल दो पल का शायर हू, पल दो पल की मेरी कहानी‘ है म्हणत धोनी आपल्या कोट्यावधी चाहत्यांना धक्का दिला आहे. शरद पवार यांनी धोनीसोबतचा फोटो टि्वटवर शेअर करत त्याला शुभेच्छा दिल्या आहेत.
बीसीसीआयचे माजी अध्यक्ष शरद पवार यांनी टि्वट करून धोनीला पुढील आयुष्यासाठी शुभेच्छा दिल्या आहेत. शरद पवार यांनी आपल्या टि्वटमध्ये म्हटले आहे की क्रिक्रेटशी माझं दीर्घकाळ नातं आहे. एम.एस.धोनीला कर्णधारपदी नेमताना मला खात्री होती की धोनी भारतातील सर्वात यशस्वी कर्णधारपैकी एक असेल. क्रिकेटमध्ये धोनीचे योगदान अतुलनीय आणि प्रेरणादायक आहे. त्यांचे क्रिकेटमध्ये केलेले विक्रम शानदार आहेत. माझ्या शुभेच्छा नेहमीच त्याच्या सोबत असतील.
सामाजिक न्याय मंत्री धनंजय मुंडे. धोनीच्या निवृत्तीचे वृत्त समजताच धनंजय मुंडे यांनी ट्विटर अकाऊंटवर धोनी सोबतचा फोटो शेअर करत आपल्या भावना व्यक्त केल्या आहेत. ‘बॅटिंग करताना तू मारलेला प्रत्येक यादगार फटका, किपिंग करताना तू अनेकांच्या उडवलेल्या दांड्या आणि कर्णधार म्हणून घेतलेला एक एक निर्णय आणि क्रिकेटचा इतिहास भारतीय रसिक कधीच विसरणार नाहीत! तुझा खेळ सदैव आठवणीत राहील'. अशा शब्दांत धनंजय मुंडे यांनी धोनीबद्दल प्रतिक्रिया व्यक्त केली.
Edited by : Mangesh Mahale
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.