जम्मू काश्मीरमध्ये जवानांची बस नदीत कोसळली; सहा जवान शहीद

जम्मू काश्मीर : इंडो-तिबेट बॉर्डर पोलिस (Police) दलाच्या (ITBP ) ३७ जवानांना घेऊन जाणारी एक बस आज (ता. १६ ऑगस्ट) पहलगाम नदी पात्रात (River) कोसळली. या अपघातात ६ जवान शहीद (martyred) झाले आहेत. इतर ३० जवान आणि दोन रहिवासी जखमी झाले आहेत. जखमींना उपचारासाठी श्रीनगर (shrinagar) येथील लष्करी रुग्णालयात हलवण्यात येत आहे, असे पोलिसांकडून सांगण्यात आले. (Army bus falls into river in Jammu Kashmir; Six soldiers martyred)

हे सर्व ३७ जवान हे अमरनाथ यात्रेच्या ड्यूटीवरून एका बसमधून पहलगामकडे येत होते. त्यावेळी बसचे ब्रेक फेल झाल्याने ती बस पहलगाम नदी पात्रात कोसळली असल्याची प्राथमिक माहिती सांगण्यात येत आहे. बसमधून आयटीबीपीच्या ३७ जवानांसह दोन रहिवाशीही प्रवास करत होते. ही बस चंदनवारी भागातून पहलगामच्या दिशेने येत होती, त्यावेळी ही दुर्घटना घडली आहे. त्यात सहा जवान शहीद झाले आहेत.

ही बस चंदनवारी भागातून जवानांना घेऊन पहलगामच्या दिशेने येत होते. बसमध्ये एकूण ३९ जण होते. पहलगाम परिसरात आल्यानंतर बसचे ब्रेक निकामी झाले. त्यामुळे ही बस नदीपात्रात कोसळली. आयटीबीपीचे सहा जवान या दुर्घटनेमध्ये शहीद झाले आहेत. या दुर्घटनेमध्ये इतरही काही जवान जखमी झाले आहेत. जखमींना एअरलिफ्ट करून श्रीनगरमधील लष्कराच्या रुग्णालयात उपचारांसाठी दाखल करण्यात येत आहे.

इंडो-तिबेट बॉर्डर पोलिस दलाच्या प्रवक्त्याने सांगितले की, पहलगामधील झालेल्या अपघातात आमचे ६ जवान शहीद झाले आहेत, ३० जण जखमी झाले आहेत. जखमींना सर्वोत्तम उपचार देण्यात येतील. आयटीबीपी मुख्यालय परिस्थितीवर लक्ष ठेवून आहे. अमरनाथ यात्रेच्या ड्यूटीवरून हे जवान परतत होते. बाधित कुटुंबांना सर्व मदत केली जाईल.