मंत्रीमंडळाचा मोठा निर्णय : 'या' सहा धर्मांना मिळणार अल्पसंख्याक प्रमाणपत्र

नवी दिल्ली : धर्माच्या आधारावर सहा समुदायांना अल्पसंख्याक प्रमाणपत्र (minority certificates) देण्याचा महत्वाचा निर्णय मंत्रीमंडळाने घेतला आहे. लवकरच या सहा धर्मांना हे अल्पसंख्याक प्रमाणपत्र देण्यात येणार आहे. (Assam Cabinet Decision news)

आसामचे मुख्यमंत्री हिमंत बिस्वा सरमा यांच्या अध्यक्षतेखाली झालेल्या मंत्रीमंडळाच्या बैठकीत हा निर्णय घेण्यात आला. मंत्री केशव महंत यांनी याबाबत बैठकीत ही घोषणा दिली. लवकरच हे प्रमाणपत्र देण्यात येणार असल्याचे महंत यांनी सांगितले.

राज्य सरकारने याबाबतची तयारी पूर्ण केली आहे. तीन दिवसापूर्वी मुख्यमंत्री हिमंत बिस्मा सरमा यांनी विधानसभेत या अल्पसंख्याक प्रमाणपत्राबाबत माहिती दिली होती.

ते म्हणाले की, अल्पसंख्याकांबाबत जिल्हावार धोरण बदलणे गरजेचे आहे. चहा मळ्याचे मालक हे अल्पसंख्याकामध्ये येत नाही, त्यांच्याकडे ओबीसी प्रमाणपत्र आहे. पण ते अल्पसंख्याक म्हणू लाभ घेत आहेत. मुस्लिम, खिश्चन, शिख, बौद्ध, जैन और पारसी यांना अल्पसंख्याक प्रमाण पत्र देण्यात आहे.