Bihar Assembly Election Result 2025: बिहारचा आज निकाल! नितीश कुमार सत्ता राखणार की तेजस्वी यादव उधळणार गुलाल?

Bihar Assembly Election Result 2025: बिहार विधानसभा निवडणुकीचा आज निकाल जाहीर होणार आहे. यामध्ये भाजप-जेडीयू युतीचं सत्ताधारी एनडीए सरकार पुन्हा सत्तेत पुनरागमन करणार की काँग्रेस-राजद यांच्या महागठबंधनला बिहारची जनता यावेळी संधी देणार? जनतेच्या मनात नेमकं काय? हे कळणार आहे. 243 जागांसाठी ही निवडणूक पार पडली असून 122 हा बहुमताचा आकडा आहे. बिहारमध्ये 1951 नंतर पहिल्यांदाच यंदा मतदानाचं प्रमाण वाढलं असून दोन्ही टप्प्यात मिळून एकूण 67 टक्के मतदान पार पडलं आहे. त्यामुळं या वाढलेल्या मतदारांचा कौल कोणत्या आघाडीला मिळणार याकडं सर्वांचं लक्ष लागून राहिलं आहे.

मतदानानंतर आलेल्या एक्झिट पोल्समध्ये एनडीएला स्पष्ट बहुमत दाखवत असलं तरी काही पोलमधून तेजस्वी यादव यांचा आरजेडी पक्ष हा सर्वात मोठा पक्ष ठरणार असल्याचा अंदाज वर्तवण्यात आला आहे. तर मुख्यमंत्रीपदासाठी देखील तेजस्वी यादव यांच्या चेहऱ्याला पसंती असल्याचं एक्झिट पोलचा अंदाज आहे.