गेवराई- बीडच्या गेवराईतील रुईच्या उपसरपंचाने एअरगनमधून हवेत गोळीबार केल्याचा व्हिडिओ आज शुक्रवारी सोशल मिडियावर व्हायरल झाल्याचा प्रकार समोर आला आहे. या प्रकरणामुळे पोलिसांच्या खाकीची भीती राहिली आहे की नाही? असा प्रश्न उपस्थित होत आहे. रुई (ता.गेवराई जि.बीड) गावचे उपसरपंच यांनी चक्क एअरगनमधून हवेत गोळीबार करून याचा व्हिडिओ सोशल मिडियावर व्हायरल केला आहे. तसेच दशहत माजवण्याचा प्रयत्न केला. याचा व्हिडिओ त्यांनी वाढदिवसानिमित्त समाज माध्यमांमध्ये शेअर केल्याने गावकऱ्यांनी या व्हिडिओवर संताप व्यक्त केला आहे.
कात्रज-कोंढवा रस्त्याचे वर्गीकरण गेल्या आठ वर्षापासून रखडले आहे. प्राधान्याने करण्यात येणाऱ्या ५० मिटर रुंदीकरणासाठी भूसंपादन होणे आवश्यक आहे. त्यासाठी महापालिका प्रशासनाने २७० कोटी रुपये उपलब्ध करण्याचा निर्णय घेतला आहे. त्यातील २२० कोटी रुपये हे वर्गीकरणाद्वारे उपलब्ध करून देण्यात आले आहेत. स्थायी समितीच्या बैठकीत आज (ता. १२) निर्णय घेण्यात आला.
नागपूरात जिल्हा सत्र न्यायालयाच्या न्यायाधीशाच्या कारला भीषण आग लागली होती. या घटनेत वाहनातील सर्व जण सुरक्षित आहेत. जिल्हा न्यायाधीश सायंकाळी साडे सहा वाजता दरम्यान घरी जात असताना न्यायालय परिसरात गाडीला अचानक आग लागली. गाडीतून धूर निघत असल्याचं लक्षात येता, कारमधून सर्व जण खाली उतरले. त्यामुळं कोणालाही इजा झाली नाही. पोलिस घटनास्थळी दाखल झाले असून अग्निशमन दलाच्यावतीने आग विझवण्याचे प्रयत्न सुरू करण्यात आले.
खासदार प्रणिती शिंदे यांनी विकास कामांच्या मुद्द्यावरून महापालिकेच्या आयुक्तांसह अधिकाऱ्यांना धरलं धारेवर धरले. खासदार प्रणिती शिंदे यांनी खासदार निधीतून 40 कोटी रुपये दिले होते. त्या ४० कोटी रुपयांच्या कामाचा लेखाजोखा मागितल्यानंतर खासदार प्रणिती शिंदे या अधिकाऱ्यांवर भडकल्या.
सर्वोच्च न्यायालयाकडून माधुरी हत्तीसंदर्भात महत्वपूर्ण निर्णय घेण्यात आला. या हत्तीणीबाबतचा निर्णय हाय पॅावर कमिटीकडे घेण्याचा अधिकार सोपवण्यात आला आहे. वनतारा व शासन मिळून सर्व सुविधा नांदणी येथे उपलब्ध होणार आहेत. नांदणी मठाकडून हाय पॅावर कमिटीकडे सोमवारी हत्ती मागणीसाठी अर्ज सादर करणार आहे.
माधुरी हत्ती संदर्भात सर्वोच्च न्यायालयात महत्वपुर्ण निर्णय घेण्यात आल्याची माहिती राजू शेट्टी यांनी दिली. यासंदर्भात हाय पॅावर कमिटीकडे निर्णय घेण्याचा अधिकार देण्यात आला आहे. वनतारा व शासन मिळून सर्व सुविधा नांदणी येथे उपलब्ध होणार. नांदणी मठाकडून हाय पॅावर कमिटीकडे सोमवारी हत्ती मागणीसाठी अर्ज सादर करणार.
दिवेघाटातील रस्ता रुंदीकरणामुळे शुक्रवारी सकाळी 11 ते दुपारी 2 वाहतूक बंद राहणार आहे. राष्ट्रीय महामार्ग क्रमांक 965 आळंदी ते पंढरपूर पालखी महामार्गांतर्गत हडपसर ते दिवेघाट या पॅकेज 6 मध्ये रस्ता रुंदीकरणाचे काम भारतीय राष्ट्रीय राजमार्ग प्राधिकरणामार्फत सुरू आहे. या कामासाठी खडकात ब्लास्टिंग करण्याची आवश्यकता असल्याने पोलिस प्रशासनाच्या देखरेखीखाली ब्लास्टिंगचे काम करण्यात येत आहे. त्यामुळे शुक्रवारी 12 सप्टेंबर रोजी सकाळी 11 वाजेपासून दुपारी 2 वाजेपर्यंत दिवेघाटातील वाहतूक बंद राहणार असून, दोन्ही बाजूंनी प्रवास करणाऱ्या वाहनधारकांनी पर्यायी मार्गांचा वापर करावा, असे आवाहन करण्यात आले आहे.
जिल्हा परिषद, पंचायत समितीचे गट आणि गण प्रारुप प्रभाग रचना अंतिम करण्यात आली आहे. त्यामुळे आरक्षण सोडत जाहीर होऊन लवकरच निवडणूक होईल, अशी शक्यता होती. मात्र, या शक्यतेला ब्रेक लागला आहे. सरकारच्या विरोधात आरक्षण सोडतीच्याआधीच नागपूर खंडपीठात याचिका दाखल करण्यात आली आहे.
मंत्री छगन भुजबळ यांनी मराठा समाजाला ईडब्लूएसमधील आरक्षण नको का असा सवाल केला आहे. मराठा समाजाला वेगळे आरक्षण मिळत असताना ओबीसीतून आरक्षणाचा आग्रह का असा सवाल त्यांनी केला आहे.
भारताचे नवे उपराष्ट्रपती सी. पी. राधाकृष्णन यांचा शपथविधी समारंभ आज राष्ट्रपती भवनात पार पडला. राष्ट्रपती द्रौपदी मुर्मू राधाकृष्णन यांना पदाची शपथ दिली. या शपथविधी सोहळ्यासाठी अनेक राज्याचे मुख्यमंत्री उपस्थित होते. सरन्यायाधीश गवई येथे देखील या समारंभाला उपस्थित होते.
केंद्रीय परिवहन आणि रस्ते महामार्ग मंत्री नितीन गडकरी यांनी पेट्रोलमध्ये इथेनॉल मिसळण्यावरून त्यांच्यावर होत असलेल्या आरोपांवर उत्तर दिलं आहे. ऑटोमोबाईल मॅन्युफॅक्चरर्स सोसायटीच्या वार्षिक अधिवेशनात बोलताना ते म्हणाले, पैसे देऊन माझ्याविरुद्ध सोशल मीडियावर राजकीय मोहीम चालवली जात आहे. E20 मिश्रणाविरुद्धची सोशल मीडिया मोहीम ही राजकीयदृष्ट्या मला लक्ष्य करण्यासाठी पैसे देऊन केलेली मोहीम सुरू केल्याचा आरोप गडकरींनी केला आहे.
महापालिका निवडणुकीसाठी भाजपने केलेल्या फोडाफोडीला आज शिवसेना-मनसे युती पहिला धक्का देण्याच्या तयारीत आहे. शिवसेना आणि मनसे नाशिक शहराच्या प्रश्नावर आज महामोर्चा काढत आहे. नाशिक शहरातील वाढलेली गुन्हेगारी आणि महापालिकेच्या भ्रष्टाचारा विरोधात सातत्याने आवाज उठविला जात आहे. भाजपच्या महापालिका निवडणूक डोळ्यापुढे ठेवून वादग्रस्त नेत्यांना संरक्षण देण्याच्या धोरणाला शिवसेना मनसे आज आव्हान देणार आहे. खासदार संजय राऊत, माजी आमदार बाळा नांदगावकर यांचं शिवसेना आणि मनसेच्या वरिष्ठ नेत्यांच्या उपस्थितीत मोर्चाद्वारे शक्तिप्रदर्शन केले जाणार आहे. यामध्ये प्रामुख्याने भाजप टार्गेट असेल.
मंत्री छगन भुजबळ यांनी नियोजित येवला दौरा रद्द केला असून आज ते लातूर दौऱ्यावर जाणार आहेत. ओबीसी आरक्षण संपुष्टात येत असल्याच्या निषेधार्थ मांजरा नदीत भरत महादेव कराड यांनी आत्महत्या केली आहे. तर कराड यांची कुटुंबियाची भेट घेण्यासाठी ते आज रेणापूर तालुक्यातील वांगदरी गावात जाणार आहेत.
सी.पी. राधाकृष्णन यांनी महाराष्ट्राच्या राज्यपालपदाचा राजीनामा दिला असून ते आज भारताचे उपराष्ट्रपती म्हणून शपथ घेणार आहेत. त्यामुळे त्यांची जागी गुजरातचे राज्यपाल आचार्य देवव्रत यांच्याकडे महाराष्ट्राची अतिरिक्त जबाबदारी देण्यात आली असून आचार्य देवव्रत हे महाराष्ट्राचे नवे राज्यपाल असणार आहेत.
भारताचे नवे उपराष्ट्रपती सी. पी. राधाकृष्णन यांचा शपथविधी समारंभ आज राष्ट्रपती भवनात पार पडणार आहे. राष्ट्रपती द्रौपदी मुर्मू राधाकृष्णन यांना पदाची शपथ देणार आहेत. या शपथविधी सोहळ्यासाठी अनेक राज्याचे मुख्यमंत्री उपस्थित राहणार आहेत. यामध्ये कर्नाटकचे राज्यपाल थावरचंद गेहलोत, आंध्र प्रदेशचे मुख्यमंत्री एन. चंद्राबाबू नायडू, पंजाबचे राज्यपाल आणि चंदीगडचे प्रशासक गुलाबचंद कटारिया, झारखंडचे राज्यपाल संतोष गंगवार मध्य प्रदेशचे मुख्यमंत्री मोहन यादव यांचा समावेश आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.