Shashi Tharoor News : पंतप्रधान मोदींना पर्याय कोण? काँग्रेस नेते शशी थरूर म्हणतात...

Congress News : काँग्रेसचे खासदार शशी थरूर लोकसभा निवडणुकीत पुन्हा एकदा नशीब आजमावत आहेत. काँग्रेसचं प्रचार करत असताना त्यांना एक प्रश्न विचारला गेला. याचं त्यांना भलतंच आश्चर्य वाटलं. पंतप्रधान नरेंद्र मोदी यांना कोणी पर्याय आहे का? असा थेट प्रश्न थरूरांना केला गेला. प्रश्न ऐकताच त्यांनी अशा गोष्टीला नाकारलं. लोकशाहीमध्ये असा प्रश्न अवास्तव असल्याचे त्यांनी सुनावले. भाजपकडून हा प्रश्न सातत्याने केला जातो. पंतप्रधानांना पर्याय ठरु शकेल असा उमेदवार विरोधी पक्षांकडे नसल्याचे सांगण्यात येते. (Lok Sabha Election 2024)

आपल्या देशाच्या संसदीय लोकशाही प्रणालीमध्ये आपण केवळ एका व्यक्तीला निवडून देत नाही तर पक्षाला आणि त्यांच्या प्रतिनिधींना निवडून देतो. पक्षांच्या आघाडीला निवडतो, असे थरुर म्हणाले. पंतप्रधान मोदींना पर्याय हा अनुभवनिष्ठ, सक्षम असे विवध नेत्यांचा समूह आहे. हा समूह भारतीतील लोकांना उत्तरदायी आहे. तर व्यक्तीगत हेव्यादाव्यांपासून, वैयक्तित अहंकारापासून दूर आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

यासंदर्भात थरुर यांनी एक्स या सोशल मीडियावर एक पोस्ट केली आहे. "माध्यम प्रतिनिधींनी मला पुन्हा असे विचारले की पंतप्रधान नरेंद्र मोदींना (Narendra Modi) पर्याय कोण आहे? आपल्या देशाच्या संसदीय लोकशाही प्रणालीत हा प्रश्न गृहीत धरला जात नाही.

आपल्या देशात राष्ट्राध्यक्षाची पद्धत किंवा अध्यक्षीय लोकशाही नाही. आपण पक्षांच्या आघाडीला निवडून देतो. हेच पक्ष, समूह देशाची वैविधता, संस्कृतीचे सन्मान करत सर्वघटकांच्या-सर्वसमावेशक विकास साधण्याच्या दृष्टीने मार्गक्रमण करते.”

पंतप्रधान पदाच्या निवडीवर थरुर यांनी भाष्य केले. "लोकशाही आणि वैविधता जोपासणे हे आपले पहिले उद्दीष्ट्य आहे. याच्या समोर केवळ पंतप्रधान पदाचा उमेदवार निवडणे हे फारच दुय्यम स्वरुपाचे काम आहे, असे थरुर (Shashi Tharoor) म्हणाले.