Wrestlers Protest : कुस्तीपटूंचा पुन्हा सरकारला इशारा; '...तर आशियाई क्रिडा स्पर्धेत..'

Delhi News : मागील अनेक दिवसांपासून देशासाठी पदक मिळवलेल्या कुस्तीपटूंचं आंदोलन सुरु आहे. आता या कुस्तीपटूंनी सरकारला अशारा दिला आहे. जो पर्यंत कुस्तीपटूंचे प्रश्न सुटत नाही, तो पर्यंत आशियाई खेळात सहभाग घेणार नाही, असा निर्णय साक्षी मलिक हिने घेतला आहे. भाजपच खासदार बृजभूषण सिंह (Brijbhushan Sharan Singh) यांच्याविरोधात लैंगिक शोषण केल्याचा आरोप महिला कुस्तीपटू यांनी केला होता. सिंह यांना अटकेची मागणी आंदोलक कुस्तीपटूंनी केली आहे. (Wrestlers Protest on Jantar Mantar)

'...तोपर्यंत आशियाई क्रीडा स्पर्धेत सहभागी होणार नाही' :

साक्षी मलिकने हिने म्हंटलं आहे की, ती, बजरंग पुनिया आणि विनेश फोगाट यांच्यासह अजून दोन कुस्ती खेळाडूंच्या मागण्या पुर्ण झाल्या तरच सर्व कुस्तीपटू हे आशिय़ाई खेळामध्ये सहभाग नोंदवतील. ब्रिजभूषण सिंह यांच्या विरोधातीली ही लढाई कायम सुरुच राहील." या सर्व आंदोलक खेळाडूंनी शेतकरी, खाप आणि कर्मचारी याच्या संयुक्त बैठकीत त्यांना सांगितलं की. आमचे सर्व प्रश्नांचं निराकरण झालं तरच आम्ही सर्व आशियाई खेळ स्पर्धेत सहभागी होऊ.

23 सप्टेंबर ते 8 ऑक्टोबर आशियाई क्रीडा स्पर्धा :

पुढील काळात आशियाई क्रीडा स्पर्धा होणार आहे. 23 सप्टेंबर ते 8 ऑक्टोबर दरम्यान चीनमध्ये यांचं आयोजन होणार आहे. हांगझोऊ या शहराच या स्पर्धेचे आयोजन होणार असून, 30 जूनपूर्वी संघ निवड करता येईल. मात्र या आधीच सरकारने हे प्रश्न सोडवावेत, अशी मागणी कुस्तीपटूंनी केली आहे.

तूर्त आंदोलन स्थगित :

आंदोलक कुस्तीपटूंनी सद्या तरी हे आंदोलन स्थगित केलं आहे. मोदी सरकारमधील केंद्रीय क्रिडामंत्री अनुराग ठाकूर यांनी आंदोलक कुस्तीपटू यांच्यासोबत दीर्घ चर्चा केली होती. कुस्तीपटूसोबतच्या तब्बल सात तास ठाकूर यांनी चर्चा केली. या चर्चेनंतर कुस्तीपटू खेळाडूंना त्यांना योग्य त्या कारवाईचे आश्वासन दिले आहे. १५ जूनपर्यंत चौकशी करून आरोपपत्र दाखल करण्यात येणार, असा विश्वास ठाकूर यांनी कुस्तीपटूंना दिलं आहे. या नंतरच आंदोलन स्थगित करणयाचा निर्णय घेण्यात आला होता.

तर पुन्हा आंदोलन करणार..

ब्रिजभूषण सिंह यांना 15 जूनपर्यंत अटक न झाल्यास, १६ तारखेपासून पुन्हा आंदोलन करण्याबाबत चर्चा करण्यात येईल, असे कुस्तीपटूंनी सांगितले आहे.