गडहिंग्लज (कोल्हापूर) : आगामी विधानसभा निवडणुकीसाठी चंदगड मतदासंघातून राष्ट्रवादीतर्फे डॉ. नंदाताई बाभूळकर यांचीच उमेदवारी पाहिजे असल्याचा आग्रह कार्यकर्त्यांनी माझ्याकडे अध्यक्ष या नात्याने धरला. यामुळे जिल्ह्याचे नेते आमदार हसन मुश्रीफ यांना डॉ. बाभूळकर यांची उमेदवारी आपल्या भाषणात जाहीर करण्याची सूचना मीच केली होती, असे स्पष्टीकरण चंदगड विधानसभा राष्ट्रवादीचे अध्यक्ष बी. एन. पाटील-मुगळीकर यांनी प्रसिद्धी पत्रकातून केली.
हिडदुग्गीतील कार्यक्रमात शिवसेनेचे संघटक संग्राम कुपेकर यांनी डॉ. बाभूळकर यांच्याऐवजी बी. एन. पाटील यांची उमेदवारी जाहीर करायला हवी होती, असे वक्तव्य केले होते. त्याचा समाचार घेताना श्री. पाटील निवेदनात म्हटले आहे की, "गेली चाळीस वर्षे स्व. बाबा कुपेकर यांच्यापासून आमदार श्रीमती संध्यादेवी कुपेकर यांच्या नेतृत्वाखाली काम करताना मी पूर्ण समाधानी आहे. पक्ष व पक्षनेतृत्वाने मला आयुष्यात भरपूर दिले आहे. श्रीमती कुपेकर यांनी आमदार या नात्याने चंदगड मतदारसंघासाठी सत्तारूढ शासनातील मंत्र्यांना भेटून निधी खेचून आणला आहे. मतदारसंघाच्या विकासासाठी त्यांचे सहकार्य मिळाले आहे. त्याबद्दल मंत्र्यांचे आभार मानने ही भारतीय संस्कृती आहे. त्याबद्दल काहीही गैर नाही. चुकीचा अर्थ लावून त्यावर भाष्य करणे निश्‍चितच गैर आहे.''
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.