Baba Siddique Dead Updates : मोठी बातमी! बाबा सिद्दीकी हत्येप्रकरणी आणखी दोघांना अटक, पंजाब कनेक्शन उघड

Baba Siddique Dead Updates : बाबा सिद्दीकी हत्या प्रकरणात पोलिसांना आणखी दोघा आरोपींना अटक केली आहे. प्रवीण लोणकर नावाच्या संशयिताला पुण्यावरून अटक करण्यात आली आहे. तर, झिशान अख्तर या संशयीताला पंजाबमधील जालंधर येथून अटक करण्यात आली आहे.

झिशान हा जालंधरचा रहिवासी असल्याचे सांगण्यात येत आहे. सिद्दिकी यांच्या हत्येप्रकरणी करनैल सिंह आणि धर्मराज कश्यप या दोघांना आधीच अटक करण्यात आली होती. त्यामुळे या प्रकरणात अटक झालेल्या आरोपींची संख्या चारवर पोहोचली आहे.

28 वर्षीय प्रवीण लोणकर हा शुभम लोणकर यांचा भाऊ आहे. प्रवीण लोणकर हा गटातील एक सूत्रधार असल्याचे सांगण्यात येत आहे.शुभम लोणकर याने सोशल मीडियावर पोस्ट टाकत बाबा सिद्दिकी यांच्या हस्तेची जबाबदारी स्वीकारली होती.

दरम्यान 2022 मध्ये अटक झाल्यानंतर झीशान अख्तर तुरुंगात गेला तेव्हा त्याची पटियाला तुरुंगात बिष्णोई गँगशी संबध आला होता. यानंतर तुरुंगातून बाहेर आल्यानंतर तो मुंबईला गेला. झीशान अख्तर हा जालंधरच्या नकोदर भागातील आकार गावचा रहिवासी आहे.

दोन ते तीन लाखांची सुपारी

सिद्दिकी यांच्यावर गोळीबार करणाऱ्या आरोपींपैकी करनैल सिंह आणि धर्मराज कश्यप या दोघांना पोलिसांनी घटनास्थळाच्या जवळूनच अटक करण्यात आली होती. तसेच या दोघांनी पोलिसांना दिलेल्या माहितीप्रमाणे या आरोपींना बाबा सिद्दिकींच्या हत्येसाठी अडीच ते तीन लाखांचे कंत्राट मिळाले होते. हत्येनंतर आरोपी हे पैसे आपआपसात वाटून घेणार होते.