Maharashtra Politics Live Update : उपमुख्यमंत्री एकनाथ शिंदे यांचे ट्वीटर अकाऊंट हॅक

Eknath Shinde Twitter hack latest update : महाराष्ट्राचे उपमुख्यमंत्री एकनाथ शिंदे यांचे एक्स (ट्वीटर) खाते हॅक झाले. त्यांच्या खात्यावर पाकिस्तान अन् तुर्की येथील व्हिडिओ दिसत होते. त्यांचे खाते सध्या रिकव्हर करण्यात आले आहे. पण उपमुख्यमंत्र्यांचे खातेच हॅक झाल्यामुळे महाराष्ट्राच्या राजकारणात मोठी खळबळ उडाली आहे.

मंत्री पंकजा मुंडे आज बीड जिल्ह्यात मुसळधार पावसामुळे झालेल्या नुकसानीचा आढावा घेणार आहेत. यासाठी आज सकाळी जिल्हाधिकारी कार्यालयात बैठकीचं आयोजन करण्यात आलं आहे. बीडचे जिल्हाधिकारी विवेक जॉन्सन आणि जिल्ह्यातील संबंधित अधिकारी या बैठकीला उपस्थित असणार आहेत.

एसटी महामंडळात सरकारतर्फे लवकरच भरती प्रक्रिया राबवली जाणार आहे. परिवहन मंत्री प्रताप सरनाईक यांनी दिलेल्या माहितीनुसार एसटी महामंडळात कंत्राटी चालक आणि सहाय्यकांची भरती प्रक्रिया राबवली जाणार आहे. ही भरती एकूण 17 हजार 450 पदांसाठी होणार आहे. ही भरतीती निविदा प्रक्रिया 2 ऑक्टोबर पासून होणार आहे.