Maharashtra Political Live Update : मुख्यमंत्री फडणवीसांच्या अध्यक्षतेखाली आज कुंभमेळा आढावा बैठक

डोनाल्ड ट्रम्प हे मोदींना विश्वगुरू नव्हे तर चपराशी समजत असल्यामुळे त्यांनी अमेरिकेतून भारतीयांना हकलण्याचं धोरण स्वीकारलं आहे. मोदींना जागतिक पातळीवर किंमत नसल्याने जगातील बहुसंख्य देश पाकिस्तानच्या बाजूने उभे राहत आहेत, अशी टीका वंचित बहुजन आघाडीचे सर्वेसर्वा ॲड. प्रकाश आंबेडकर यांनी केली आहे. ते अकोला येथे भारतीय बौद्ध महासभेने आयोजित केलेल्या धम्मचक्र प्रवर्तन दिनाच्या कार्यक्रमात बोलत होते.

मुख्यमंत्री देवेंद्र फडणवीसांच्या अध्यक्षतेखाली आज मुंबईत कुंभमेळा आढावा बैठक घेण्यात येणार आहे. यावेळी नाशिक जिल्ह्यातील वरिष्ठ अधिकाऱ्यांकडून कामाचा आढावा घेतला जाणार आहे. या बैठकीला उपमुख्यमंत्री, कुंभमेळा मंत्री, यांच्यासह मंत्री समितीचे सदस्य राहणार उपस्थित राहणार आहेत.

पुण्यातील मुंबई-बंगळूरू राष्ट्रीय महामार्गावरील वडगाव पुलाजवळ 30 सप्टेंबर रोजी एका एका रिक्षाला गौतमी पाटीलच्या भरधाव कारनं जोरदार धडक दिली. या अपघातात रिक्षाचालकासोबतच रिक्षातील दोन प्रवासीही गंभीर जखमी झाले होते. पोलिसांना अपघाताबाबत माहिती मिळताच तात्काळ घटनास्थळी धाव घेतली. तर कोथरूडचे आमदार चंद्रकांत पाटील यांनी आता थेट डीसीपी संभाजी कदम यांना फोन लावत दोषींवर कडक कारवाई करण्याची निर्देश दिल्यामुळे आता गौतमी पाटीलवर काय कारवाई होणार याकडे सर्वांचं लक्ष लागलं आहे.