Maharashtra News Live Update: पुढील 12 तासांत 14 राज्यात वादळी पावसाचा इशारा, महाराष्ट्राच्या हवामानात मोठे बदल

उत्तर भारतातील राज्यांमध्ये दोन दिवसांपूर्वीपर्यंत धुमाकूळ घालणारा पाऊस पुन्हा एकदा ओसरताना दिसत आहे.  हवामान विभागाने 14 राज्यांमध्ये वादळी पाऊस आणि विजांच्या कडकडाटासह पावसाचा इशारा दिला आहे. पुढील 12 तासांत वाऱ्याचा वेग ताशी 75 किमीपर्यंत पोहोचण्याची शक्यता असल्याने सतर्कतेचा इशाराही जारी करण्यात आला आहे. महाराष्ट्रात  मुसळधार पावसानंतर आता पुन्हा तापमानात वाढ होत आहे. त्यामुळं चिंतेत वाढ झाली आहे. पावसाने ब्रेक घेतल्यानंतर उन्हाचा पारा वाढत आहे. आज 13 जुलै रोजी राज्यातील काही ठिकाणी हलक्या पावसाचा अंदाज वर्तवण्यात आला आहे. पण उन्हाचा चटका कायम राहण्याची शक्यता हवामान विभागाने वर्तवली आहे. धुळे, रत्नागिरी, नंदुरबार, छत्रपती संभाजीनगर, नाशिक, जळगाव या भागात सोमवारी पाऊस हजेरी लावेल.