Maharashtra Live News Update: विखे पाटलांनी मराठ्यांचा रोष अंगावर घेऊ नये, जरांगे पाटलांचा इशारा

शिवसेना उबाठा नेत्या सुषमा अंधारे आज नाशिक दौऱ्यावर आहेत. दुपारी सुमारे एक वाजता त्या नाशिकचे पोलीस अधीक्षक यांची भेट घेणार आहेत. त्यानंतर त्या SIT प्रमुखांशीही चर्चा करणार आहेत. अशोक खरात प्रकरणाबाबत त्या कोणता नवा खुलासा करणार, याकडे सर्वांचे लक्ष लागले आहे.

मराठ्यांच्या वेदना जाणून घ्यायला विखे पाटलांकडे वेळ नाही. त्यांनी समाजाचा रोष अंगावर घेऊ नये, असा इशारा मनोज जरांगे पाटलांनी दिला आहे. तसंच मुख्यमंत्री देवेंद्र फडणवीस यांनी मराठा उपसमिती बरखास्त करून मराठा-कुणबी स्वतंत्र मंत्रालय' स्थापन करावं अशी मागणीही त्यांनी केली.

वीज वितरण कंपन्यांनी वीजदरात कपात करण्याचा निर्णय घेतला आहे. येत्या एक एप्रिलपासून राज्यभरातील वीज दरांमध्ये ही कपात होणार आहे.

शिवसेना उद्धव बाळासाहेब ठाकरे पक्षाच्या नेत्या सुषमा अंधारे आणि राष्ट्रवादी काँग्रेसच्या नेत्या रूपाली ठोंबरे पाटील आणि संगीता तिवारी आज नाशिकला जाऊन पोलिस अधीक्षक आणि एसआयटी प्रमुखांना भेटणार आहेत.

भोंदूबाबा अशोक खरात याची एचआयव्ही टेस्ट करण्यात आली आहे. त्याचा एचआयव्ही टेस्टचा रिपोर्ट निगेटिव्ह आला आहे.

भोंदूबाबा अशोक खरात यांची सध्या एसआयटी चौकशी करीत आहे. आता ED, फॉरेक्स आणि कस्टमच्या रडारवर खरात असल्याचे समजते. विदेश दौरे आणि विदेशी चलन व्यवहारांची सखोल चौकशी ते करणार आहेत.