Maharashtra Political Live Update : मंत्री शिवेंद्र राजे भोसले यांचा शशिकांत शिंदे यांना नाव न घेता सूचक इशारा...

सातारा जिल्हा बँकेची निवडणूक आता हळूहळू रंगात येऊ लागली आहे. या निवडणुकीत ठराव घेण्यावरून सार्वजनिक बांधकाम मंत्री शिवेंद्र राजे भोसले आणि शरद पवार राष्ट्रवादीचे प्रदेशाध्यक्ष शशिकांत शिंदे यांच्यात गेल्या काही दिवसांपूर्वी संघर्ष पाहायला मिळाला होता. त्यानंतर जावळीतील राजकीय वातावरण हे अजूनही गरमच असल्याचे पाहायला मिळत आहे. जावळीतील दहीहंडी उत्सवादरम्यान सार्वजनिक बांधकाम मंत्री शिवेंद्र राजे भोसले यांनी विरोधकांचा जोरदार समाचार घेत विरोधकांना इशारा दिला आहे. 'जंगल मे घुमते वक्त जंगल खामोश है, इसका मतलब ये मत समझो की, जंगल मे शेर नही है..,' उगीच आम्हाला डिवचण्याचे काम करू नका तुम्हाला परवडणार नाही, असा इशारा शिवेंद्र राजे यांनी शशिकांत शिंदे यांचे नाव न घेता दिला.