Maharashtra Politics Live Update : केसरकरांकडून काही चुकीचे घडले असेल तर एकनाथ शिंदे निर्णय घेतील - भरत गोगावले

रुपाली चाकणकर या महाराष्ट्रातील सर्वात मोठ्या सेक्स रॅकेटच्या सूत्रधार असल्याचा गंभीर आरोप रूपाली ठोंबरे यांनी केला आहे. शिवाय त्यांना खरात प्रकरणात चाकणकर यांना मुख्य आरोपी करा, अशी मागणी त्यांनी मुख्यमंत्री देवेंद्र फडणवीस यांना पत्र लिहित केली आहे.

अशोक खरात प्रकरणात माजी खासदार विनायक राऊत यांनी आमदार दीपक केसरकर यांची एसआयटी चौकशी करण्याची मागणी केली आहे.

केंद्रीय मंत्री रामदास आठवले यांनी रुपाली चाकणकर यांच्या राजीनाम्यावर भाष्य केलं आहे. चाकणकर आणि भोंदूबाबा अशोक खरात यांच्यातील संबंधांवरून लोकांमध्ये वातावरण चांगलं नसल्यामुळे मुख्यमंत्र्यांनी त्यांना राजीनामा द्यायला सांगितलं, असं आठवले यांनी म्हटलं.

पुण्यातील स्वामी नारायण मंदिराच्या परिसरातील दरी पुलावर अनेक चारचाकी वाहनांचा रविवारी पहाटे अपघात झाला आहे. पुणे - बेंगलोर राष्ट्रीय महामार्गावर सातारहून पुण्याच्या दिशेने येणारी वाहने एकमेकांना धडकल्याने हा अपघात झाला आहे.