Maharashtra Political Live: ED घेणार रोहित पवारांची झाडाझडती! दुसऱ्यांदा चौकशी करणार

महाराष्ट्र राज्य सहकारी बँक (एमएससीबी) कथित गैरव्यवहाराप्रकरणी सक्त वसुली संचालनालयाने (ईडी) राष्ट्रवादी काँग्रेस शरदचंद्र पवार पक्षाचे आमदार रोहित पवार यांच्याविरोधात विशेष न्यायालयात पुरवणी आरोपपत्र दाखल केले. यापूर्वी ईडीने याप्रकरणी बारामती ऍग्रो लि.च्या कन्नड सहकारी साखर कारखाना लिमिटेडच्या (कन्नड एसएसके साखर कारखाना) ५० कोटी रुपयांच्या मालमत्तांवर टाच आणली होती. रोहित पवार यांची गेल्यावर्षी चौकशीही करण्यात आली होती.

पुरंदरचे माजी आमदार संजय जगताप यांनी काँग्रेसचा राजीनामा दिला आहे. येत्या 16 तारखेला ते भाजपात प्रवेश करणार आहेत. प्रदेशाध्यक्ष रवींद्र चव्हाण यांच्या उपस्थितीत त्यांचा प्रवेश होणार असल्याची माहिती आहे. सासवडला हा पक्षप्रवेश होण्याची शक्यता आहे.

उपमुख्यमंत्री एकनाथ शिंदे रात्री उशीरा महाबळेश्वर मध्ये दाखल झाले आहेत. दिल्ली वारीनंतर एकनाथ शिंदे रात्री महाबळेश्वर मध्ये दाखल. झाले आहेत.

एकनाथ शिंदे आपल्या कुटुंबासह महाबळेश्वर मध्ये एका हॉटेलमध्ये मुक्कामी आहेत.

भाजपचे ज्येष्ठ नेते, माजी मंत्री, स्वर्गीय गोपीनाथ मुंडे यांची तिसरी कन्या यशश्री यांनी राजकारणात एन्ट्री घेतली आहे. त्यांनी वैद्यनाथ बँक निवडणुकीसाठी अर्ज भरला आहे.

पुण्यातील कात्रज परिसरात गुंडांनी पुन्हा धुडगूस घातला आहे. 7-8 जणांच्या टोळक्याकडून एका तरुणावर तलवारी आणि कोयत्याने वार करण्यात आला आहे, या हल्ल्यात ओंकार साबळे हा तरुण जखमी झाला आहे. कात्रज कोंढवा रोड परिसरात असणाऱ्या एसबीआय बँकेसमोर हा प्रकार घडला. हातात तलवारी आणि कोयता नाचवत हल्लेखोर पळून गेले. पोलिस त्यांचा शोध घेत आहेत.

राज्याचे उपमुख्यमंत्री अजित पवार आज बारामतीच्या दौऱ्यावर असून बारामती शहरातील विविध ठिकाणच्या विकास कामांची आज ते सकाळपासून पाहणी करीत आहेत. यानंतर बारामतीतील काही खाजगी कार्यक्रमांना अजित पवार भेटी देणार आहेत. काही खाजगी रुग्णालयाची उद्घाटन ही अजित पवारांच्या हस्ते होणार आहे. पार पाडणार आहेत.