लाल किल्ला मेट्रो स्थानकाजवळ एका गाडीत झालेल्या स्फोटात एकूण 12 जणांचा मृत्यू झाला तर अनेकजण जखमी झाले आहेत. या प्रकरणाचा तपास NIA, अर्थात राष्ट्रीय तपास संस्थेकडे द्यायचा निर्णय केंद्रीय गृहमंत्रालयानं आज घेतला.
देशाची राजधानी दिल्लीत झालेल्या स्फोटानंतर देशभरात मोठी खळबळ उडाली होती. या स्फोटानंतर केंद्रीय तपास यंत्रणांच्या कारवायांना वेग आला आहे. देशात विविध ठिकाणी छापेमारी सुरू केली आहे. महाराष्ट्रातही एटीएसनं मोठी कारवाई केली आहे. एटीएसच्या पथकानं मुंब्र्यात छापेमारी करत दोन जणांची कसून चौकशी सुरू केली आहे. या दोघांकडून इलेक्ट्रॉनिक वस्तू जप्त करण्यात आल्या आहेत.
Beed News: बीडच्या आष्टी मतदारसंघातील भाजपचे माजी आमदार भीमराव धोंडे शक्ती प्रदर्शन करत उद्या उपमुख्यमंत्री अजित पवार यांच्या प्रमुख उपस्थितीमध्ये राष्ट्रवादी प्रवेश करणार आहेत.
दिल्लीतील लाल किल्ला मेट्रो स्टेशनच्या गेट क्रमांक १ बाहेर झालेल्या भीषण कार स्फोटात किमान ८ जणांचा मृत्यू झाला असून, २५ हून अधिक जखमी झाल्याचे पोलिस सूत्रांनी पुष्टी केली आहे. या पार्श्वभूमीवर राष्ट्रवादी काँग्रेस पक्षाचे ज्येष्ठ नेते शरद पवार यांनी घटनेबद्दल तीव्र चिंता आणि दुःख व्यक्त केले आहे. तसेच या घटनेच्या चौकशीची मागणी केली आहे. शरद पवार यांनी सोशल मीडिया प्लॅटफॉर्म ‘एक्स’ (X) वर पोस्ट करत म्हटलं आहे,“ दिल्लीच्या लाल किल्ल्याजवळील सुभाष मार्ग ट्रॅफिक सिग्नल परिसरात झालेल्या कार स्फोटातील जीवितहानी अत्यंत दुःखद आहे. मृत्युमुखी पडलेल्या निष्पाप नागरिकांना भावपूर्ण श्रद्धांजली अर्पित करतो आणि जखमी नागरिकांच्या प्रकृतीत लवकर सुधारणा व्हावी, अशी प्रार्थना करतो.
पुण्यातील आंदेकर टोळी पुन्हा पोलिसांच्या रडारवर असून या टोळीने अनधिकृतपणे बांधलेलं वारकरी भवन पाडण्यास सुरूवात करण्यात आली आहे. पुणे पोलिस आणि महापालिका याच्याकडून ही कारवाई करण्यात येत आहे.
पुणे महापालिकेच्या निवडणुकीसाठी आरक्षणाची सोडत आज सकाळी ११ वाजता गणेश कला क्रीडा मंच येथे काढण्यात येणार आहे. आरक्षणाचे प्रारूप १७ नोव्हेंबरला प्रसिद्ध होणार आहे. हरकतींसाठी आठवडाभर मुदत दिली जाणार आहे. महापालिकेची प्रभागरचना आणि मतदारयादीचे काम अंतिम टप्प्यात असून, निवडणुका जानेवारी अखेर होण्याची शक्यता आहे. महिलांना ५० टक्के आरक्षण देण्यात आले आहे.
देशाची राजधानी दिल्ली येथे काल सायंकाळी एका कारमध्ये मोठा स्फोट झाल्याची धक्कादायक घटना घडली. हा ब्लास्ट एका आय-20 कारमध्ये हा झाल्याचं समोर आलं आहे. अशातच आता कार ब्लास्टच्या आधीचे धक्कादायक सीसीटीव्ही फुटेज समोर आले आहेत. ज्यामध्ये कारमध्ये दहशतवादी डॉ. उमर तोंडावर काळा मास्क लावून बसल्याचं दिसत आहे. या सीसीटीव्ही फुटेमध्ये ब्लास्टच्या आधी आय-20 कार गर्दीतून जाताना दिसत आहे. कारच्या आतमध्ये एक व्यक्ती काळा मास्क लावून कार चालवत असल्याचं दिसत आहे. तर मास्क लावलेली ही व्यक्ती दहशतवादी मोहम्मद उमर असल्याचं सांगितलं जात आहे.
ठाकरे की शिंदे? शिवसेना पक्ष आणि धनुष्यबाण कुणाचा? या प्रकरणी सर्वोच्च न्यायालय उद्यापासून अंतिम सुनावणी होणार आहे. न्यायमूर्ती सूर्यकांत आणि न्यायमूर्ती जॉयमल्या बागची यांचे खंडपीठासमोर ही सुनावणी पार पडणार आहे.
Delhi Bomb Blast News : दिल्लीतील बॉम्बस्फोट प्रकरणाच्या संदर्भात डीसीपी उत्तर राजा बांठिया यांनी माहिती देताना सांगितलं की, 'ज्या गाडीत स्फोट झाला त्या गाडीत काही मृत शरीराचे अवयव आहेत. फॉरेन्सिक टीम ते गोळा करत आहे.'
राज्याचे जलसंधारण व मृद मंत्री तथा यवतमाळचे पालकमंत्री संजय राठोड यांच्या मातोश्री प्रमिलाबाई दुलीचंद राठोड वय 88 वर्षे यांचे यवतमाळच्या कळंब तालुक्यातील मूळगावी पहूर येथे निधन झाले.
दिल्लीतील स्फोटानंतर जेष्ठ नेते शरद पवार यांनी प्रतिक्रिया दिली आहे. आज दिल्लीच्या लाल किल्ल्याजवळील सुभाष मार्ग ट्रॅफिक सिग्नल परिसरात एका कारमध्ये झालेल्या स्फोटात झालेली जीवितहानी अतीव दुःखद आहे. मृत्युमुखी पडलेल्या निष्पाप नागरिकांना भावपूर्ण श्रद्धांजली अर्पित करतो व ज्यांनी आपल्या प्रियजनांना गमावले त्यांच्याप्रती सहवेदना व्यक्त करतो. तसंच, जखमी नागरिकांच्या प्रकृतीत लवकर सुधारणा व्हावी अशी प्रार्थना करतो. तसंच लाल किल्ल्यासारख्या संवेदनशील परिसरात घडलेली ही दुर्दैवी घटना फार चिंताजनक आहे. माझी देशाचे पंतप्रधान व गृहमंत्र्यांना विनंती आहे कि, सदर घटनेबाबत सखोल चौकशी करावी. त्यायोगे येणारा चौकशी अहवाल देशासमोर ठेवून अशा दुर्घटना रोखण्यासाठी केंद्र व राज्य सरकारच्या यंत्रणा सुरक्षेच्या दृष्टीने ठोस पावलं उचलतील अशी अपेक्षा व्यक्त करतो, असं पवार यांनी आपल्या ट्विटमध्ये लिहिलं आहे.
दिल्ली बॉम्बस्फोटानंतर नागपूरच्या संघ मुख्यालय येथील सुरक्षा वाढवण्यात आली आहे. यासह नागपूरचे संवेदनशील स्थान असलेल्या दीक्षाभूमी , मुख्य रेल्वे स्थानकाची सुरक्षा वाढवली आहे.
लाल किल्ला येथील कार ब्लास्ट हा आत्मघाती हल्ला असल्याची माहिती सूत्रांनी दिली आहे. या बॉम्बस्फोटात पुलवामा येथील रहिवासी उमर मोहम्मद याचे नाव समोर आले आहे. उमर मोहम्मद गाडी चालवत असल्याचा संशय आहे. उमर मोहम्मद हा व्यवसायाने डॉक्टर असून तो उमर हा जैश-ए-मोहम्मद मॉड्यूलशी संबंधित आहे. सात दहशतवाद्यांना काल पोलिसांनी अटक केली होती आणि त्यांच्याकडून २९०० किलो स्फोटके जप्त करण्यात आली होती. तर उमर मोहम्मद गाडीत होता. त्याने त्याच्या दोन साथीदारांसह हल्ल्याची योजना आखली. सूत्रांच्या माहितीनुसार, फरीदाबादमध्ये अटक झाल्यानंतर घाबरून उमर मोहम्मदने हल्ल्याची योजना आखली. त्याच्या साथीदारांसह त्याने गाडीत डिटोनेटर ठेवले आणि हे दहशतवादी कृत्य केलं. हल्ल्यात ANFO (अमोनियम नायट्रेट आणि इंधन तेल) वापरण्यात आल्याची माहिती सांगितली जात आहे.
दिल्लीत काल संध्याकाळी झालेल्या स्फोटानंतर मुंबई पोलिसांनी देखील शहरात खबरदारीचा अलर्ट जारी केला आहे. सणासुदीचा काळ आणि वर्षाचा शेवट जवळ येत असल्याने, मुंबई पोलीस आधीच सतर्क असून संपूर्ण शहरात सुरक्षा तपासण्या केल्या जाणार आहेत, अशी माहिती वरिष्ठ पोलीस अधिकाऱ्यांने दिली.
दिल्ली पोलिसांनी सीसीटीव्ही फुटेज मिळवले आहे ज्यामध्ये संशयिताची कार पार्किंग क्षेत्रात प्रवेश करताना आणि बाहेर पडताना दिसत आहे. फुटेजवरून असे दिसून येते की संशयित त्यावेळी एकटाच होता.
दिल्ली कार ब्लास्टनंतर पिंपरी-चिंचवड शहर पोलिसांनी शहरात ठिकठिकाणी चोख पोलीस बंदोबस्त आणि नाका बंदी केली आहे. तसेच महामार्गावरून आणि रस्त्यावरून ये जा करणाऱ्या चार चाकी वाहनांची पोलीस तपासणी करत आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.