Maharashtra Live Political Updates : ठाकरे अन् शिंदेंची शिवसेना चाकणमध्ये एकत्र
Bihar Assembly Election Result 2025 : नगरपंचायत, नगरपरिषद निवडणुकीसाठी उमेदवारी अर्ज दाखल करण्याचा आज शेवटचा दिवस, महायुती, महाविकास आघाड किती ठिकाणी झाले याचे चित्र आज स्पष्ट होणार याशिवाय राज्य आणि देशभरातली घडामोडी एका क्लिकवर
Shivsena Politics : ठाकरे अन् शिंदेंची शिवसेना चाकणमध्ये एकत्र
ठाकरे अन् शिंदेंची शिवसेना चाकणमध्ये एकत्र आली आहे. शिंदे शिवसेनेच्या नगराध्यक्ष पदाच्या उमेदवार मनीषा सुरेश गोरे यांचा अर्ज भरायला स्वतः ठाकरेंचे स्थानिक आमदार बाबाजी काळे आणि शिंदेचे आमदार शरद सोनवणे उपस्थित होते. खेड-आळंदीचे दिवंगत आमदार सुरेश गोरेंच्या पश्चात ही पहिली निवडणूक पार पडत आहे. त्यांच्या पत्नी नगरपरिषदेच्या नगराध्यक्ष पदी उभ्या राहिल्या आहेत.
असा पुरुष सिंह होणे नाही, बाळासाहेब ठाकरेंना राऊतांचे अभिवादन
ज्यांच्यामुळे मी घडलो असे एकमेव शिवसेना प्रमुख बाळासाहेब ठाकरे यांना मानवंदना! असा पुरुष सिंह होणे नाही! मराठी माणसाने एकजुटीने राहावे आणि महाराष्ट्र शत्रूंशी लढावे, अशा शब्दांना बाळासाहेब ठाकरेंच्या स्मृतीदिनी संजय राऊतांनी आदरांजली वाहिली
नाशिक बाजार समितीमध्य 12 कोटींचा घोटाळा - देविदास पिंगळे
राष्ट्रवादी काँग्रेस अजित पवार पक्षाचे नेते आणि माजी सभापती देविदास पिंगळे यांनी नाशिक बाजारात समितीममध्ये नऊ महिन्यात बाजार समिती 12 कोटींचा गैरव्यवहार झाल्याचा आरोप केला आहे. गिरणारे येथे एक रुपया एकर दराने जमीन मिळणार होती. मात्र पदाधिकाऱ्यांचे सर्व लक्ष भ्रष्टाचारच असल्याने त्यांनी त्याकडे दुर्लक्ष केले, असेच पिंगळे म्हणाले.
नितीश कुमार पुन्हा मुख्यमंत्री होणार
बिहार विधानसभा निवडणुकीच्या निकालामध्ये भाजप सर्वात मोठा पक्ष ठरला आहे. तरी देखील नितीश कुमार यांना पुन्हा मुख्यमंत्रिपद मिळणार असल्याची चर्चा आहे, तर, भाजपला दोन उपमुख्यमंत्रिपद मिळणार असल्याचे सांगितले जात आहे.
बुलढाण्यात वंचित- काँग्रेस युती
बुलढाण्यातील स्थानिक स्वराज संस्था निवडणुकीसाठी वंचित बहुजन आघाडी आणि काँग्रेसमध्ये युती झाली आहे. दोन्ही पक्ष 50-50 ५०-५० टक्के जागा लढवणार आहे.
मंढरी, जोशी यांचा भाजपमध्ये प्रवेश
भाजप प्रदेशाध्यक्ष रवींद्र चव्हाण यांच्या उपस्थितीमध्ये कल्याण पूर्वमधील शिवसेनेच्या माजी नगरसेविका शीतल मंढारी, सहसंपर्कप्रमुख विजय जोशी यांच्यासह अनेक कार्यकर्त्यांनी भाजपमध्ये प्रवेश केला.
उमेदवारी अर्ज दाखल करण्याचा आज शेवटचा दिवस
नगरपंचायत, नगरपरिषद निवडणुकीसाठी उमेदवारी अर्ज दाखल करण्याचा आज शेवटचा दिवस आहे. त्यामुळे राजकीय पक्षांकडून शक्तिप्रदर्शन करत उमेदवारी अर्ज दाखल करण्यात येणार आहेत. काही ठिकाण युती आणि आघाडी होणार की नाही याचे चित्र देखील स्पष्ट होणार आहे. आज उमेदवारी दाखल करण्याचा शेवटचा दिवस असल्याने नामांकन दाखल करण्यासाठी गर्दी होण्याची शक्यता आहे.
वेबसाईटवर ब्राउझिंगचा अनुभव सर्वोत्तम असावा, यासाठी आम्ही कुकीजचा वापर करतो. कुकीजमुळे तुम्हाला तुमच्या आवडत्या मजकुराची शिफारस करता येते. आमचे गोपनीयता आणि कुकीजसंदर्भातील धोरण तुम्हाला मान्य आहे.
