Maharashtra Political News Live : हिवरखेडच्या आरोग्य केंद्रात अवैध गर्भपात? आमदार मिटकरींच्या आरोपानंतर चौकशी समिती गठित..

आरोपी शितल तेजवानीला पुणे कोर्टाने शितल तेजवानीला ८ दिवस पोलीस कोठडीत पाठवण्यात आले आहे.

एकीकडे राज्यातील महायुतीत कार्यकर्ते आणि पदाधिकाऱ्यांच्या पळवापळवीची स्पर्धा सुरू असताना मात्र उद्धव बाळासाहेब ठाकरे यांच्या शिवसेनेची ताकद वाढताना दिसत आहे. महायुतीतील भाजप आणि शिंदेंच्या शिवसेनेत फोडाफोडीच्या राजकारणावरून कलगीतुरा रंगला असतानाच डोंबिवलीतील सामाजिक कार्यकर्ते वैशाली म्हात्रे आणि किरण म्हात्रे यांच्यासह शेकडो डोंबिवलीकरांनी शिवसेनेच्या ठाकरे गटात प्रवेश करून राजकीय गोटात एकच खळबळ उडवून दिलीय.

सक्षम ताटे हत्या प्रकरणातील चार आरोपीची पोलीस कोठडीत पुन्हा दोन दिवसाची वाढ करण्यात आलीय. समक्ष ताटे याचा 27 नोव्हेंबर रोजी खून झाला होता. आंतरजातीय प्रेम संबंधातून प्रेयसी आंचल हिच्या वडिलांनी आणि दोन्ही भाऊ आणि अन्य दोघांच्या मदतीने खून करण्यात आला होता. ज्यानंतर आंचलचे वडील गजानन मामीडवार, भाऊ साहिल मामीडवार, आई जयश्री मामीडवार, एक अल्पवयीन भाऊ आणि अन्य दोन अशा सहा जणांना इतवारा पोलीसांनी अटक केली होती. 28 नोव्हेंबर रोजी पहिल्यांदा आरोपींना न्यायालयात हजर करण्यात आले होते, तेव्हा तीन दिवसांची पोलीस कोठडी सुनावण्यात आली होती.

नगरपंचायत आणि नगरपरिषद निवडणुकीमध्ये 70 टक्के ठिकाणी युती झाली 30% ठिकाणी युती झाली नाही, त्यामुळे आगामी महापालिका निवडणुका यादेखील युतीत होतील आणि जर युती झाली नाही तर एकमेकांवर कठोर शब्दात टीका करणे टाळा अशा सूचना राज्याचे उच्च व तंत्र शिक्षण मंत्री चंद्रकांत पाटील यांनी पिंपरी चिंचवड शहरात भाजप कार्यकर्त्यांना दिल्या आहेत.

अकोल्यातील हिवरखेड येथील प्राथमिक आरोग्य केंद्रात अवैध गर्भपात होत असल्याचा संशय खुद्द सरकारमधील राष्ट्रवादीचे आमदार अमोल मिटकरींनी केला होता. या आरोग्य केंद्राचं 'स्टिंग ऑपरेशन'च मिटकरींनी केलं होतं. त्यानंतर आता जिल्हा परिषदेच्या मुख्य कार्यकारी अधिकारी अनिता मेश्राम आणि जिल्हा आरोग्य अधिकारी डॉ. बळीराम गाढवे हिवरखेडच्या प्राथमिक आरोग्य केंद्राला भेट दिली आणि संपूर्ण प्रकरणात चौकशी समिती गठीत करण्यात आली. मात्र, प्राथमिक आरोग्य केंद्रात अवैध गर्भपात होत नसल्याचे जिल्हा आरोग्य अधिकारी स्पष्ट केलं आहे.

ठाणे शहरातील माजी नगरसेवकाचेच नाव मतदार यादीतून वगळल्याचं धक्कादायक वास्तव समोर आलं आहे. ठाण्यातील मतदार याद्यांमधील घोळाचे प्रकार काही केल्या कमी होताना दिसून येत नाहीत. कुठे दुबार, तिबार मतदारांची नोंदणी झालेली आहे, तर कुठे मतदारांचा पत्ताच बदलला आहे. काही ठिकाणी मतदारांचे नाव दुसऱ्याच विधानसभा मतदारसंघात आहेत, तर कुठे तालुकाच बदललला आहे. विशेष म्हणजे काही ठिकाणी नगरपालिकेच्या माजी नगरसेवकांच्या, भावी उमेदवारांच्या नावातही अशीच गडबड झाल्याचं पाहायला मिळत आहे. त्यामुळे, निवडणूक आयोगाचा भोंगळ कारभार पुन्हा एकदा चव्हाट्यावर आला आहे. .

राज्यात सध्या नाशिकमधील तपोवन येथील वृक्षतोडीचा मुद्दा चांगलाच गाजत आहे. कुंभमेळ्यासाठी नाशिक येथील तपोवनात असलेले काही वृक्ष तोडण्यात येणार आहेत. मात्र याला पर्यावरणप्रेमी आणि विविध सामाजिक संस्थांकडून जोरदार विरोध होत आहे. अभिनेते सयाजी शिंदे यांनी देखील या मोहिमेला पाठिंबा दिला असून, वृक्षतोडीला विरोध केला आहे. त्यामुळे आता हे प्रकरण चांगलंच तापलं आहे, आता या प्रकरणात करुणा मुंडे यांनी देखील एण्ट्री घेतली असून, त्यांनी तपोवनाला भेट दिली आहे.

पुण्यातील पार्थ पवारांच्या कंपीनीने घेतलेल्या जमीनीच्या प्रकरणात नाव आलेल्या शीतल तेजवानीला गुरुवारी पुणे पोलिसांनी कोर्टात हजर केले. यावेळी तेजवानीच्या जामीनाला सरकारी पक्षाच्या वकिलांकडून विरोध करण्यात आला आहे. त्याचबरोबर मुंढव्यातील त्या जमीनीचे मुळ वतनदार असलेल्या महार वतदनदारांच्या वंशांजाच्या वतीने देखील तेजवानीच्या जामीनाला विरोध करण्यात आला आहे. तेजवानीने आमचीही फसवणूक केल्याचा महार वतनदारांच्या वकिलांचा दावा आहे. कोर्टात सर्व युक्तीवाद सुरू असतानाच शीतल तेजवानीला चक्कर आल्याचा दावा तिने केला. त्यानंतर न्यायाधीशांनी तीला समोरील खुर्चीवर बसण्यास परवानगी दिली‌. दोन्ही बाजुचे वकील युक्तीवाद करत असताना तेजवानी आरोपी म्हणून उभी होती.

नगरपालिका, नगरपरिषद निवडणुकांचा निकाल पुढे ढकण्यावरून वडेट्टीवारांनी भाजपवर गंभीर आरोप केल आहे. EVM मध्ये गडबड करून निकाल फिरवायचाय, यासाठीच 20 दिवसांचा कालावधी घेतल्याचा आरोप वडेट्टीवारांनी केला आहे. तर यांचा शेंबूड पुसण्यात आणि नाडा सावरण्यात वेळ जातो असा टोला मंत्री नितेश राणेंनी लगावलाय.

मुक्ताईनगरमध्ये शरद पवार पक्षाच्या रोहिणी खडसे खुर्ची टाकून मतदार केंद्रावर पोलिसांशी वाद घालतानाचा व्हिडिओ समोर आला आहे. मतदान केंद्रावर शिंदेसेनेच्या कार्यकर्त्यांना बाहेर काढा असा आरोप रोहिणी खडसेंनी केला आहे. त्या कार्यकर्त्यांना बाहेर काढा मग मी जाते अशा आशयाचा व्हिडिओ समोर आलाय यावेळी पोलिसांशी बाचाबाची झाली.

राज्यातील कृषी बाजारपेठांतील कायदे व शुल्क अंमलबजावणीतील अडचणींवर तोडगा न लागल्याने पाच व्यापारी संघटनांनी 5 डिसेंबरला राज्यव्यापी लाक्षणिक बंद जाहीर केला आहे. पुण्यात 18 नोव्हेंबरला झालेल्या बैठकीनंतरही सरकारकडून ठोस प्रतिसाद न मिळाल्याने व्यापारी आपल्या भूमिकेवर ठाम आहेत.

तपोवन मधल्या वृक्ष थोड ची चिंता करणारे पर्यावरणवादी कधीच.. ईद च्या वेळी बकरी कापण्याला विरोध करताना दिसत नाहीत.. तेव्हा गप्प का ? सर्व धर्म सम भाव ?

पोलिस आणि नक्षलवाद्यांमध्ये छत्तीसगडमध्ये चकमक झाली. पोलिस आणि नक्षलवाद्यांमध्ये सुमारे साडेचार ते पाच तास चकमक झाली. त्यात बारा नक्षलवाद्यांना पोलिसांनी कंठस्नान घातले. छत्तीसगड पोलिसांनी चार जणांचे मृतदेह ताब्यात घेतले आहेत. दरम्यान चकमकीदरम्यान चार पोलिसही शहीद झाले आहेत. पोलिसांनी या भागात आज पहाटे सर्च ऑपरेशन करण्यात आले.

नाशिकच्या तपोवनमधील वृक्षतोडीचा मुद्दा आता देशपातळीवर पोचला आहे. राष्ट्रवादी काँग्रेस शरदचंद्र पवार पक्षाचे खासदार भास्कर भगरे यांनी केंद्रीय पर्यावरण आणि वन मंत्री भूपेंद्र यादव यांना पत्र पाठवून तपोवनमधील झाडं तोडण्याची परवानगी देऊ नये, असं म्हटलं आहे. केंद्रीय पातळीवरून आता कार्य निर्णय होतो, हे पाहावे लागणार आहे.

रशियाचे पंतप्रधान व्लादिमिर पुतिन हे आजपासून (ता. 04 डिसेंबर) भारताच्या दौऱ्यावर आहेत. त्यापूर्वीच लोकसभेतील विरोधी पक्षनेते राहुल गांधी यांनी सरकारच्या धोरणाबद्दल नाराजी व्यक्त केली आहे. भारतात येणाऱ्या विदेशी राष्ट्रप्रमुखांना विरोधी पक्षनेत्यांना भेटू दिलं जात नाही. यापूर्वी धोरण होते. मात्र, नरेंद्र मोदी यांनी ते धोरण बदलले आहे. विदेश दौऱ्यावर जाणाऱ्या विरोधी पक्षाच्या लोकांना भेटू नका, असे सांगितले जात आहे, असा आरोप राहुल गांधी यांनी केला आहे.

महाराष्ट्रातील खासदारांनी पंतप्रधान नरेंद्र मोदी यांची भेट घेतली आहे. त्या भेटीत मोदी यांनी खासदारांना मार्गदर्शन केले आहे. लोकांशी संपर्क ठेवा. केंद्र आणि राज्य सरकारच्या योजनांचा सर्व सामन्यांना कसा फायदा होईल, हे पाहावे. तसेच, लोकसभा आणि राज्यसभेतील उपस्थिती वाढवावी, अशा सूचना मोदींनी खासदारांना दिल्या आहेत.

मध्य प्रदेशचे माजी मुख्यमंत्री तथा काँग्रेसचे ज्येष्ठ नेते दिग्विजय सिंह यांनी शिवसेना उद्धव बाळासाहेब ठाकरे पक्षाचे प्रमुख उद्वव ठाकरे यांची मातोश्रीवर जाऊन भेट घेतली आहे. मुंबई महापालिका निवडणूक काँग्रेस पक्षाने स्वबळावर लढविण्याचा निर्णय घेतल्यानंतर काँग्रेस नेत्याने ठाकरे यांच्या भेटीला येणं महत्वाचं मानलं जात आहे.

महायुतीमध्ये झालेल्या चर्चेला भाजपचे प्रदेशाध्यक्ष रवींद्र चव्हाण यांच्याकडून छेद दिला जात आहे. रवींद्र चव्हाण हे मनाप्रमाणे वागतात. मग ॲक्शनला रिॲक्शन होणार आहे. दमदार वाटचाल करणाऱ्या महायुतीमध्ये मिठाचा खडा टाकण्यासारखे आहे. चव्हाण यांना समज दिली जाणार नसेल तर हे प्रकार भविष्यात वाढतील आणि त्याचे दुष्परिणाम महायुतीला भोगावे लागतील, असा इशारा शिवसेनेचे मंत्री संजय शिरसाट यांनी दिला आहे.

नाशिकच्या तपोवनमधील वृक्षतोडीस दिवसेंदिवस तीव्र विरोध होताना दिसत आहे. त्यात मंत्र्यांकडून वृक्षतोडीचे समर्थन होताना दिसत आहे. अगोदर मंत्री गिरीश महाजन यांनी वृक्षतोड कशी योग्य आहे, त्याबदलात आम्ही तेवढीच झाडे लावणार असल्याचे म्हटले होते. आता त्यांच्या जोडीला मंत्री नीतेश राणेही उतरले आहेत. तपोवनातील वृक्षतोडीचे समर्थन करताना त्यांनी वादग्रस्त ट्विट केले आहे. त्यांनी म्हटले आहे की,तपोवनमधल्या वृक्ष थोडची चिंता करणारे पर्यावरणवादी कधीच.. ईदच्या वेळी बकरी कापण्याला विरोध करताना दिसत नाहीत..तेव्हा गप्प का? सर्व धर्म सम भाव? असा सवाल त्यांनी केला आहे.

एल्गार परिषद प्रकरणी गेल्या पाच वर्षांपासून अटकेत असलेले दिल्ली विद्यापीठाचे माजी प्रा. हनी बाबू यांना मुंबई उच्च न्यायालयाने जमीन मंजूर केला आहे, त्यामुळे त्यांना मोठा दिलासा मिळाला आहे. त्यांच्या जमिनीला सरकारकडून विरोध करण्यात आला होता. हनी बाबू यांना खटल्याविना दीर्घकाळ तुरुंगात ठेवल्याचेही कोर्टाने म्हटलं आहे. संविधानाच्या कलम २१ चे उल्लंघन झाल्याचा युक्तिवादही हनी बाबू यांच्या वकिलाने केला आहे.

मनसे प्रमुख राज ठाकरे हे आज दुपारी दिल्लीला रवाना होणार आहेत.पुढील २ दिवस राज ठाकरे दिल्लीत असतील. मिताली ठाकरे यांचे बंधू डॉ. राहुल बोरुडे यांचे उद्या लग्न आहे.

अपुऱ्या कर्मचाऱ्यांमुळे 'इंडिगो विमान कंपनीने देशभरातील विविध विमानतळांवरील 200 हून अधिक विमान उड्डाणे रद्द केली आहे. अनेक विमानांच्या उड्डाणाला विलंब झाला. प्रामुख्याने मुंबई, दिल्ली, बंगळूर येथील विमानसेवा विस्कळीत झाली. देशभरातील प्रमुख विमानतळांवर प्रवाशांना बराचवेळ ताटकळत राहावे लागल्याने प्रवाशांनी संताप व्यक्त केला.

पुणे जमीन व्यवहार प्रकरणातील प्रमुख आरोपी शीतल तेजवानी हिला पुणे पोलिसांनी अटक केली आहे. तिला आज कोर्टात हजर केलं जाणार आहे. शीतल तेजवानीची सखोल चौकशी केली जाणार आहे.

महाराष्ट्राच्या खासदारांनी आज पंतप्रधान नरेंद्र मोदी यांची भेट घेतली. राज्यातील विविध मुद्दांवर खासदारांनी मोदींनी चर्चा केली.

जिल्हा परिषदेच्या निवडणुकीच्या आधी राज्यात महापालिका निवडणुका होण्याची शक्यता आहे. त्यासाठी आयोगाकडून तयारी करण्यात येत आहे. निवडणूक आयोगाने राज्यातील २९ महापालिका आयुक्तांची आज बैठक बोलावली आहे. हिवाळी अधिवेशन १४ डिसेंबरला संपल्यानंतर त्याच दिवशी निवडणुकांची घोषणा होऊ शकते. मुंबई, पुणे, नागपूर, संभाजीनगर आणि अहिल्यानगरसह २९ प्रलंबित महापालिकांची निवडणुकीची घोषणा होऊ शकते. तिसर्‍या टप्प्यात जिल्हा परिषदेच्या निवडणुका जाहीर होणार असल्याचे समजतेय.

दिव्यांगांच्या शासकीय, निमशासकीय सेवेतील चार टक्के आरक्षणाच्या पदोन्नती संदर्भात तुकाराम मुंढेंनी मोठा निर्णय घेतला आहे. आरक्षणाच्या अंमलबजावणीसाठी एसओपी तयार करण्यात आला आहे.

 मुंढवा जमीन गैरव्यवहार प्रकरणी शितल तेजवानी यांना अटक झाली आहे. तसेच कॉमेडी कंपनीचे भागीदार दिग्विजय पाटील यांच्या देखील अडचणी वाढणार आहेत. पुणे पोलिसांच्या आर्थिक गुन्हे शाखेकडून पाच दिवसांपूर्वीच पाटील यांना नोटीस बजावून चौकशीसाठी हजर राहण्यास सांगितले आहे.

जैन मुनी निलेशचंद्र विजय महाराज यांच्या नेतृत्वाखाली जीव दया आणि कबुतर बचाव अभियानाअंतर्गत सात डिसेंबर (रविवार) मोर्चा काढण्यात येणार आहे. हा मोर्चा कुलाबामध्ये असलेल्या जैन मंदिरापासून सुरू होईल. त्यानंतर लालबाग, भायखळा, डोंगरी, लोअर परळ या मार्गे दादर कबुतरखाना येथे जाणार आहे.

पुणे विभागातील पदवीधर व शिक्षक मतदार संघाच्या नव्याने मतदार यादी तयार करण्याच्या कार्यक्रमांतर्गत प्रसिद्ध करण्यात आलेल्या प्रारुप मतदार यादीनुसार पुणे विभागात २ लाख ७२ हजार ६१ पदवीधरांची तर ४४ हजार २३३ मतदारांची नोंदणी झाली आहे.

लाडकी बहीण योजनेतील पात्र महिलांना नोव्हेंबरचा हफ्ता लवकच मिळणार आहे. नगर परिषदेच्या मतमोजणीच्या आधीच नोव्हेंबर महिन्याचा हफ्ता महिलांच्या खात्यात जमा होईल, अशी माहिती आहे.

सध्या संसदेचे अधिवेशन सुरू आहे. या अधिवेशनातील झिरो आवरदरम्यान खासदार मेधा कुलकर्णी यांनी हलालचा मुद्दा उपस्थित केला. 'हलाल' सर्टिफिकेशन आणि त्यासंबंधित तांत्रिक व प्रशासकीय अनियमितता दूर करून ते सर्टिफिकेशन केवळ शासकीय प्रणालीद्वारेच देण्यात यावीत. आणि या नियमावलीत गरजे नुसार बदल करावेत, अशी मागणी डॉ. मेधा कुलकर्णी यांनी सभागृहात केली आहे.

राष्ट्रवादी काँग्रेस शरदचंद्र पवार पक्षाचे आमदार रोहित पवार यांना ९ डिसेंबरला नाशिक न्यायालयात हजर राहण्याचे आदेश देण्यात आले आहेत. तत्कालीन कृषीमंत्री माणिकराव कोकाटे यांचा मोबाईलवर पत्ते खेळतांनाचा व्हिडीओ रोहित पवार यांनी ट्विट करत काही आरोप केले होते. दरम्यान, चुकीच्या पद्धतीने व्हिडिओ व्हायरल केल्याप्रकरणी कोकाटे यांनी पोलिसांमध्ये तक्रार केली होती. चौकशीत कोकाटे यांच्या आरोपात तथ्य असल्याचा अहवाल पोलिसांनी दिला आहे.