बदनापूर नगर पंचायतीत शतप्रतिशत सत्ता; नगराध्यक्ष-उपनगराध्यक्ष दोन्ही भाजपचेच

बदनापूर : बदनापूर नगर पंचायत अध्यक्ष पदासाठी आज निवडणूक घेण्यात आली. ,या निवडणुकीत भाजपच्या मंगल जगन्नाथ बारगजे यांची निवड करण्यात आली. (Mla Narayan Kuche) पंचायत निवडणुकीत भाजप-९ ,काँग्रेस-१ राष्ट्रवादी-०५ व अपक्ष २ असे बलाबल होते. बदनापूर (Jalna) नगरपंचायत नगराध्यक्षपदासाठी भाजपकडून मंगल बारगजे आणि राष्ट्रवादीकडून नसीमाबी शेख यांनी उमेदवारी अर्ज दाखल केला होता. (Bjp)

निवड प्रक्रिया पार पडली तेव्हा भाजपच्या मंगल बारगजे यांना त्यांच्या पक्षाच्या ९ व २ अपक्ष सदस्यांचाही पाठिंबा मिळाल्याने त्या ११ मतांनी विजयी झाल्या. निवडणूक निर्णय अधिकारी यांनी त्यांची नगराध्यक्षदी निवड जाहीर करताच भाजपच्या कार्यकर्त्यांनी एकच जल्लोष केला. दरम्यान राष्ट्रवादी काँग्रेसचे ५ व काँग्रेसचा एक सदस्य गैरहजर राहिला. त्यामुळे बारगजे यांच्या निवडीचा मार्ग मोकळा झाला.

उपनगराध्यक्ष पदासाठी भाजपकडून समीर शेख यांनी उमेदवारी अर्ज दाखल केला. त्यांच्या विरोधात कुणीच अर्ज दाखल न केल्याने त्यांची उपनगराध्य पदी बिनविरोध निवड जाहीर करण्यात आली. भाजपचे आमदार नारायण कुचे यांनी नवनिर्वाचित अध्यक्ष, उपाध्यक्षांसह सर्व सदस्यांचे अभिनंदन केले.

नुकत्यात झालेल्या नगरपंचायत निवडणुकीत भाजपने बहुमतासह सत्ता मिळवली होती. राष्ट्रवादी दुसऱ्या तर काॅंग्रेस तिसऱ्या क्रमांकावर राहिली. शिवसेनेला मात्र इथे खातेही उघडता आले नव्हते. आमदार नारायण कुचे यांनी नगराध्यक्ष व उपनगराध्यक्ष दोन्ही पद भाजपकडे घेत विरोधकांना चांगलाच दणका दिल्याची चर्चा या निमित्ताने होत आहे.