बीड : केंद्रीय आयकर विभागाकडून जाणिवपूर्वक उपमुख्यमंत्री अजित पवार यांच्या नातेवाईकांवर कारवाया केल्या जात असल्याचा आरोप करत बीडमध्ये अजित पवार यांच्या समर्थनार्थ आमदार संदीप क्षीरसागर यांच्या नेतृत्वाखाली जोरदार निदर्शने करण्यात आली. केंद्रीय आयकर विभागाचा धिक्कार असो, या केंद्रातील भाजप सरकारचं करायचं काय? खाली मुंडक वर पाय अशा घोषणांनी बीड दणाणून गेले होते.
इतिहास साक्षीदार आहे, महाराष्ट्र कधी झुकत नसतो, दिल्ली असो या कुणीही यापुढे वाकत नसतो ,असा इशारा देत आम्ही पवार कुटुंबियांवर जिवावर उदार होवून प्रेम करतो. त्यामुळे आमच्या सहनशिलतेचा अंत पाहू नका, असा इशाराही संदीप क्षीरसागर यांनी यावेळी दिला.
जेवढा दाबण्याचा प्रयत्न कराल, त्याच्या दुप्पट ताकदीने पलटवार करू, आता धाडी थांबवा नाहीतर आम्हा महाराष्ट्रातील सर्व तरूणाच्या संयमाचा बांध फुटेल, असा इशाराही त्यांनी दिला.
मंगळवारी (ता. १२) रोजी केंद्रीय आयकर विभागाच्या विरोधात व अजित पवार यांच्या समर्थनार्थ जिल्हाधिकारी कार्यालयासमोर राष्ट्रवादीच्या वतीने जोरदार निदर्शने करण्यात आली. यावेळी संदिप क्षीरसागर म्हणाले, सुडबुद्धीने छापेमारी करणार्‍या केंद्रीय आयकर विभागाच्या निषेधार्थ ही निदर्शने करत आहोत.
अजित पवारांवर अनेकदा आरोप, टीका झाली पण आम्ही संयमाने प्रतिउत्तर दिले. पण तुम्ही जर विनाकारण आमच्या आई, बहिणींच्या घरी धाडी टाकून प्रसिद्धीचा आव आणत असाल, तर जास्त काळ सहन करणार नाही.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
