केंद्रीय अर्थ राज्यमंत्री डाॅ. कराड म्हणतात, यंदाचा अर्थसंकल्प `बुस्टर डोस` ठरेल..

औरंगाबाद : कोरोना संकटानंतर हळूहळू का होईना पुर्वपदावर येत असलेली अर्थव्यवस्था पाहता यंदाचे बजेट कसे असेल याकडे संपुर्ण देशाचे लक्ष लागले आहे. (Budget) राज्यसभेवर नियुक्ती आणि वर्षभरात केंद्रीय अर्थराज्यमंत्री झालेले डाॅ.भागवत कराड (Dr.Bhagwat karad) यांचा त्या खात्याचे मंत्री म्हणून हा पहिलाच अर्थसंकल्प असणार आहे. (Aurangabad) अर्थसंकल्प सादर होण्याआधीच तो `बुस्टर डोस`, असेल असे शुभसंकेत कराड यांनी दिले आहेत. (Marathwada)

आपल्या फेसबुक पेजवरून यंदाचा अर्थसंकल्प कसा असेल याबद्दल त्यांनी थोडक्यात आणि नेमके भाष्य केले आहे. स्वातंत्र्यानंतर औरंगाबादला केंद्रात महत्वाच्या खात्याची जबाबदारी मिळाली. केंद्रात सध्या मराठवाड्यातील औरंगाबाद आणि जालन्याला दोन राज्यमंत्रीपद मिळाली आहेत.

कराड यांच्याकडे अर्थ खात्याचे राज्यमंत्री म्हणून तर जालन्याचे खासदार रावसाहेब दानवे यांच्याकडे रेल्वे-कोळसा आणि खाण मंत्रालयाचे राज्यमंत्री म्हणून जबाबदारी आहे. केंद्रातील यंदाचा अर्थसंकल्प केंद्रीय अर्थमंत्री निर्मला सीतारामन यांच्यासोबत सादर करण्याची संधी डाॅ. भागवत कराड यांना राज्यमंत्री म्हणून मिळणार आहे.

औरंगाबाद आणि मराठवाड्यासाठी ही अभिमानाची गोष्ट असून या बजेटकडे सर्वांच्या नजरा लागल्या आहेत. तत्तपुर्वी कराड यांनी यंदाचे बजेट कसे असेल याची थोडक्यात कल्पना फेसबुकच्या माध्यमातून दिली आहे.

कोरोनानंतर देशाची अर्थ व्यवस्था पुर्णपणे सावरली असून पुढील वर्ष हे देशाच्या आर्थिक प्रगतीसाठी अत्यंत महत्वाचे वर्ष ठरणार असल्याचा दावा कराड यांनी केला आहे. देशाच्या अर्थचक्राला अधिक गती देण्याासाठी यंदाचा अर्थसंकल्प नक्कीच बुस्टर डोस ठरेल, अशी अपेक्षाही कराड यांनी व्यक्त केली आहे.