Ajit Pawar: अजितदादांनी राज ठाकरेंना करून दिली 'त्या' मुलाखतीची आठवणं...

पुणे : राज ठाकरे यांनी राष्ट्रवादीचे अध्यक्ष शरद पवार यांच्यावर केलेला आरोप धांदात बिनबुडाचे, तथ्यहीन आणि हास्यास्पद आहे. माणसानं इतकंही दुटप्पी वागू नये, अशा शब्दात राष्ट्रवादीचे नेते आणि विधानसभेतील विरोधी पक्षनेते अजित पवार यांनी मनसे अध्यक्ष राज ठाकरेंना सुनावले आहे.

शरद पवार यांनी सुरूवातीपासून जातीपातीचं राजकारण केलं. राष्ट्रवादीच्या जन्मापासूनच जातीपातीच्या राजकारणाला सुरुवात झाली,असा राज ठाकरे यांनी केला होता. त्यांच्या या आरोपाला अजित पवार (Ajit Pawar) यांनी आज प्रत्युत्तर दिले आहे. त्यांनी बारामतीमध्ये माध्यमांशी संवाद साधला. (Raj Thackeray Ajit Pawar News Latest News)

अजित पवार म्हणाले, शरद पवार यांचं नाव नघालं की त्याची बातमी होते. राज ठाकरेंसारख्या व्यक्तीने असं वक्तव्य करण योग्य नाही. शरद पवारांची मुलाखत घेताना ते वेगळ बोलत होते. माणसानं इतकंही दुटप्पीपणे वागू नये. पवारसाहेबांना ५५ वर्षापासून उभा महाराष्ट्र ओळखत आहे. त्यांनी नेहमी शाहू-फुले-आंबेडकरांचा विचार डोळ्यासमोर ठेवला. आणि तशाच पद्धतीने सर्व जाती-धर्माच्या लोकांना बरोबर घेऊन जाण्याचं काम केलं आहे. राज ठाकरेंनी केलेले आरोप हे हास्यास्पद असून यामध्ये नगभरही तथ्य नाही, अशा शब्दात त्यांनी राज ठाकरेंना (Raj Thackeray) सुनावले.

दरम्यान, राष्ट्रवादीचे अध्यक्ष शरद पवार (Sharad Pawar) यांनी सुरूवातीपासून जातीपातीचं राजकारण केलं.राष्ट्रवादीच्या जन्मापासूनच जातीपातीच्या राजकारणाला सुरुवात झाली.राष्ट्रवादीच्या स्थापनेनंतर महाराष्ट्रात हे प्रकार सुरू झाले. पवार हे नेहमी शाहू-फुले-आंबेडकर हीच नावे घेतात. शिवाजी महाराजांचे यामध्ये नाव घेत नाहीत. इतर समाज आणि मराठा समाजात फूट पाडण्याचे काम सुरू असून १९९९ पासून राज्यात विष कालवले जात असल्याचा आरोप राज ठाकरे यांनी केला होता.