Kolhapur Basket Bridge News : ...म्हणून पालकमंत्री मुश्रीफांसमोर भर बैठकीत धनंजय महाडिक, प्रकाश आवाडेंनी व्यक्त केला संताप!

Kolhapur Politics कोल्हापूर जिल्ह्यात एक दशक चर्चेचा विषय राहिलेल्या बास्केट ब्रिजवरून आणि करंजीच्या पाणी प्रश्नावरून खासदार धनंजय महाडिक आणि आमदार प्रकाश आवाडे हे पालकमंत्री हसन मुश्रीफ यांच्यावर जिल्हा नियोजन समितीच्या बैठकीत चांगलेच संतापलेले दिसले.

बास्केट ब्रिजची वर्क ऑर्डर निघून काही महिने झाले तरी काम सुरू नाही. या कामात राजकारण सुरू आहे का? या ब्रिजचे भुमीपूजन केंद्रीय मंत्री नितीन गडकरी(Nitin Gadkari) यांनी केले होते. तुम्हाला त्यांचा अपमान करायचा आहे का? असा सवाल करत खासदार धनंजय महाडिक यांनी प्रशासनाला धारेवर धरले.

इचकरंजीचे आमदार प्रकाश आवाडे यांनी देखील इचलकरंजीच्या पाणी प्रश्नावर प्रशासन आणि पालकमंत्री हसन मुश्रीफ(Hasan Mushrif) यांना जाब विचारला. 'मुश्रीफ साहेब तुम्हाला इचलकरंजीला पाणी मिळायला नको अशी तुमची इच्छा आहे का? असा सवाल आवाडे यांनी केला. त्यामुळे आम्हाला सर्व परवानग्या मुख्यमंत्र्यांकडून आणाव्या लागतात.'

तसेच 'प्रशासकीय अधिकाऱ्यांनाही या प्रश्नाचे काही घेणे देणे नाही. जे प्रशासकीय अधिकारी काम करत नाहीत त्यांच्यावर कठोर कारवाई केली पाहीजे. इचलकरंजी शहरात पाण्याच्या सहा टाक्या मंजूर झाल्या आहेत. त्याचे पुढे काय झाले?' असा प्रश्न आवाडे यांनी विचारला.

यावेळी खासदार धनंजय महाडिक(Dhananjay Mahadik) म्हणाले, ‘बास्केट ब्रिज या संकल्पनेची राजकारणातून खिल्ली उडवली होती. मात्र राष्ट्रीय महामार्ग प्राधिकरणाने हा प्रकल्प मंजूर केला. केंद्रीय रस्ते वाहतूक मंत्री नितीन गडकरी यांनी या बास्केट ब्रिजचे भूमिपूजन केले. त्यानंतर निविदा निघाली, वर्क ऑर्डरही मिळाली तरी अद्याप ब्रिजच्या कामाला सुरूवात झालेली नाही.

मात्र त्यावर पुणे-बंगळुरू राष्ट्रीय महामार्गावरील पंचगंगा नदीवरील पूल पिलरचा करायचा आहे. त्याचा नवा आराखडा बनवला जाणार आहे. त्यामुळे हे काम थांबले आहे. असे उत्तर प्रशासनाकडून देण्यात आले. यावर आवश्यक ते बदल करून त्वरीत काम सरू करावे. जिल्हाधिकाऱ्यांनी या कामासाठी व अन्य ब्रिजसाठी एक कन्स्लटंट नेमावा. त्यामुळे दिल्लीमधून निधी आणता येईल. असे महाडिकांनी सांगितले.

(Edited by - Mayur Ratnaparkhe)