Satara NCP : राष्ट्रवादी 'युवक'ने केला एप्रिल फूल दिनी मोदी सरकारच्या विकासाचा वाढदिवस

Satara News : राष्ट्रवादी युवक काँग्रेसने NCP आज एप्रिल फूल दिवस हा मोदी सरकारचा Modi Government विकासाचा वाढदिवस म्हणून केक कापून अनोखे आंदोलन केले. यावेळी कमल का फूल एप्रिल फूल, एकही भुल कमल का फूल तसेच वाढती महागाई, बेरोजगारी विरोधात घोषणा दिल्या.

२०१४ मध्ये नरेंद्र मोदी यांनी युवकांना दरवर्षी दोन कोटी रोजगार देण्याचे आश्वासन दिले होते. पण, प्रत्यक्षात रोजगार तर दिलाच नाही. परंतू रेल्वे ,एअरपोर्ट व अनेक सरकारी संस्था विकून व खाजगीकरण करून असलेले रोजगार गेले. १०० स्मार्ट सिटी बनवणार, पेट्रोल डिझेलचे दर तसेच महागाई कमी करणार अशी अनेक आश्वासन दिली होती.

त्यांनी भारतातील जनतेला एप्रिल फूल केले. कारण यामधील कोणतीच आश्वासने पूर्ण करू शकलेले नाहीत. म्हणून राष्ट्रवादी युवकने एप्रिल फूल हा दिवस मोदी सरकारचा विकासाचा वाढदिवस म्हणून साजरा करत असल्याचे राष्ट्रवादी युवक काँग्रेसचे प्रदेश उपाध्यक्ष गोरखनाथ नलवडे यांनी यावेळी सांगितले.

या आंदोलनात राष्ट्रवादी विद्यार्थीचे सेलचे अध्यक्ष अतुल शिंदे, तालुकाध्यक्ष मंगेश ढाणे , ॲड. वैभव मोरे, सचिन जाधव, विकास अवघडे, सागर पवार, तुषार गुरव, प्रथमेश पवार, महेश जाधव, स्वप्नील वाघमारे तसेच कार्यकर्ते उपस्थित होते.