ACB trap news : सिन्नरचे मुख्याधिकारी केदार यांना पाच हजाराची लाच घेताना अटक!

ACB department news : घर बांधण्याच्या परवानगीसाठी गेले सहा महिने चकरा मारूनही अडवणूक केली जात होती. आराखडा मंजूर करण्यासाठी लाच मागीतली जात होती. या प्रकरणात मुख्याधिकाऱ्याला अटक करण्यात आली. सिन्नर शहरात सलग दुसऱ्या दिवशी लाचखोरांविरोधात कारवाई झाल्याने तो चर्चेचा विषय ठरला. (Nashik ACB taken action against Sinnar municiple officer)

लाचलुचपत प्रतिबंधक विभागाच्या (ACB) अधिकाऱ्यांनी सिन्नर (Sinner) शहरात ही कारवाई केली. सलग दुसऱ्या दिवशी सिन्नर शहरात कारवाई झाली आहे. त्यामुळे तो नागरिकांत चर्चेचा विषय आहे.

याबाबत तक्रारदाराने लाच लुचपत प्रतिबंधक विभागाकडे तक्रार केली होती. गेल्या सहा महिन्यांपासून घर बांधण्याचा आराखडा मंजुरीसाठी नगरपालिकेत सादर करण्यात आला होता. त्याला दोन आठवड्यात मंजुरी अपेक्षीत होती. मात्र तसे झाले नाही.

याबाबत मुख्याधिकारी केदार हे जाणीवपूर्वक अनेक महिन्यांपासून टाळाटाळ करीत होते. तक्रारदारांना चकरा मारायला लावत होते. अखेरीस त्यांनी लाचेची मागणी केली. त्यात तडजोडीत पाच हजाराची लाच देण्याचे ठरले. ही लाच देताना एसीबीच्या पथकाने त्यांना पकडले.

नगरपरिषदेचे मावळते मुख्याधिकारी संजय केदार यांना लाचलुचपत पथकाने ताब्यात घेतले. तक्रारदाराची बांधकाम मंजुरीची फाईल ६ महिन्यांपासून अडवून ठेवली होती. त्या पोटी पाच हजार रुपयांची मागणी केली होती. या संदर्भात तीन-चार दिवसांपासून मोबाईलवर सुरू असलेले संभाषण पुरावा म्हणून ग्राह्य धरत केदार यांना दुपारी साडेतीन वाजता ताब्यात घेण्यात आले आहे. त्यांच्या शिवाजीनगर मधील त्यांच्या निवासस्थानाचीही तपासणी करण्यात येत आहे.