Chhagan Bhujbal Politics: मराठा आरक्षण; छगन भुजबळांची एकीकडे सरकारवर नाराजी, दुसरीकडे मात्र मुख्यमंत्र्यांची स्तुती!

Chhagan Bhujbal Statement: मराठा आरक्षणाचा विषय राज्यात चर्चेचा आणि वादाचाही विषय आहे. यासंदर्भात अन्न व नागरी पुरवठा मंत्री छगन भुजबळ सातत्याने सरकारवर टीका करीत आहेत. दुसरीकडे संधी मिळताच मुख्यमंत्र्यांची स्तुतीही केल्याने ते देखील चर्चेत आहे.

केंद्र शासनाच्या ‘सीपीआरआय’ प्रादेशिक इलेक्ट्रिक प्रयोगशाळेचे उद्घाटन मुख्यमंत्री देवेंद्र फडणवीस यांच्या उपस्थितीत झाले. बुधवारी झालेल्या या कार्यक्रमाला अन्न व नागरी पुरवठा मंत्री छगन भुजबळ आणि मुख्यमंत्री देवेंद्र फडणवीस यांनी वोएकत्र विमान प्रवास केला. त्यांचा हा प्रवास चर्चेचा विषय ठरला आहे. कारणही असेच आहे.

मराठा आरक्षण आणि छगन भुजबळ यांचा विरोध हे ठरलेलेच राजकीय सूत्र आहे. गेले आठवडाभर छगन भुजबळ सातत्याने राज्य शासनावर टीका करीत आहेत. मराठा समाजाला राज्य शासनाने ओबीसी आरक्षण देऊ नये ही त्यांची भूमिका होती.

यानिमित्ताने राज्य शासनावर टीका करणारे मंत्री भुजबळ बुधवारी नाशिक येथील कार्यक्रमासाठी नाशिकला मुख्यमंत्र्यांसोबत एकत्र विमानात आले. त्यानंतर झालेल्या कार्यक्रमात छगन भुजबळ यांनी मुख्यमंत्री यांची तोंड भरून स्तुती केली. त्यानंतर मात्र भुजबळ यांनी मुख्यमंत्र्यांची कृती करीत त्यांचा उल्लेख "महाराष्ट्राच्या विकासाचा ध्यास घेणारे मुख्यमंत्री" असा केला.

प्रयोगशाळेच्या उद्घाटनाच्या कार्यक्रमात देखील योगायोगाने मुख्यमंत्री देवेंद्र फडणवीस यांनाही भुजबळांविषयी बोलणे भाग पडले. भाषणाची जागा माध्यमांसाठी गैरसोयीचे असल्याने ते छगन भुजबळ आणि जलसंपदा मंत्री गिरीश महाजन बसलेल्या खुर्ची जवळील आयपॉडवर गेले. तेव्हा मुख्यमंत्र्यांनी मी छगन भुजबळ यांच्या बाजूने बोलावे असे तुम्हाला वाटते की काय, असे सुचक विधान केले.

नाशिकचा हा कार्यक्रम छगन भुजबळ यांच्यासाठी त्या दृष्टीने राजकीय चर्चेचा ठरला. गेले काही दिवस छगन भुजबळ यांचा मंत्रिमंडळ बैठकीवर बहिष्कार आणि तत्सम बातम्या प्रकाशित होत आहेत.

मंत्री भुजबळ हे देखील मराठा आरक्षणाच्या प्रश्नावर सातत्याने राज्य शासनाला टीकेचे लक्ष्य करीत आले. त्यानंतर नाशिकला झालेल्या या कार्यक्रमात भुजबळ यांनी अचानक मुख्यमंत्र्यांची स्तुती केली. ही परिस्थितीची गरज म्हणून ही भूमिका मावळ झाल्याचे चिन्ह, अशी चर्चा त्यांच्या आहे.