Jarange patil V/S Chhagan bhujbal News : मराठा आरक्षणावरून राज्य सरकार विरुद्ध मराठा आंदोलक असे चित्र सध्या निर्माण झाले आहे. त्यात एक अँगल ओबीसी आणि मराठादेखील आहे. या पार्श्वभूमीवर या आंदोलनाचे नेते मनोज जरांगे पाटील येत्या ९ ऑक्टोबरला थेट येवल्यात दाखल होत आहेत. (Maratha Reservation issue will raised in Yeola by Manoj Jarange Patil)
मराठा (Maratha) समाजाला सरसकट कुणबी दाखले देऊन त्यांना आरक्षण द्यावे ही मनोज जरांगे पाटील (Manoj Patil) यांची मागणी आहे. मराठा समाजाला ओबीसी (OBC) आरक्षणातून आरक्षण देऊ नये ही छगन भुजबळ (Chhagan Bhujbal) यांची भूमिका आहे.
येवला कृषी उत्पन्न बाजार समितीच्या आवारात येत्या ९ ऑक्टोबरला सकाळी दहाला जरांगे- पाटील यांची जाहीर सभा होणार आहे. या वेळी मोठ्या संख्येने मराठा समाजाचे कार्यकर्ते जमतील, असा दावा संयोजकांनी केला आहे.
सकल मराठा समाजाच्या वतीने तहसीलदार कार्यालयाच्या आवारात ठिय्या आंदोलन सुरू आहे. या आंदोलनस्थळी भेट देऊन जरांगे पाटील सभेला उपस्थित राहतील, अशी माहिती सकल मराठा समाजाच्या वतीने देण्यात आली.
जरांगे पाटील हे महाराष्ट्राचा दौरा करत आहेत. प्रत्येक ठिकाणी त्यांना मोठा पाठिंबा मिळत आहे. त्यामुळे येवल्या तालुक्यातदेखील तेवढ्याच ताकदीची सभा व्हावी म्हणून सकल मराठा समाजाच्या वतीने प्रत्येक गावामध्ये सभेचे फलक लावण्यात येणार आहेत. सभेसाठी येवल्यासह लासलगावच्या ४२ गावांसह तालुक्यातून मोठ्या संख्येने कार्यकर्ते उपस्थित राहणार असल्याची माहिती देण्यात आली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.