बच्चू कडू संतापले, `अरे, तुम्ही तर मंत्री जयंत पाटील यांच्या पत्रालाही दाद देत नाही`

नाशिक : राज्यमंत्री बच्चू कडू आज नाशिकला आले. न्यायालयीन कामकाजासाठी आलेल्या कडू यांनी तडत सिंचन भवन गाठले. कार्यालयात जाऊन किती कर्मचारी हजर आहेत?. ते काय काम करता? आलेल्या पत्रांवर काय कार्यवाही होते, अशा विविध प्रश्नांची सरबत्ती त्यांनी केली. कामाकाजाच्या नोंदी पाहून ते म्हणाले, अहो कसे तुमेच कार्यालय चालते. जनतेशी बांधिलकी ठेवा. सेवा हमी कायद्याची अंमलबजावणी करा, असे त्यांनी वरिष्ठ अधिकाऱ्यांना सुनावले.

राज्यमंत्री कडू एका न्यायालयीन खटल्यासंदर्भात आले होते. सकाळी लवकर पोहोचल्याने त्यांनी हातात असलेल्या वेळेचा सदउपयोग करीत त्यांनी सिंचन भवन गाठले आणि तेथील आवक, जावक रजीस्टर, फत्रव्यावहारांची थेट रजीस्टर घेऊन तपासणी सुरु केली. त्यामुळे अधिकारी, कर्मचारी सगळ्यांचीच धावपळ उडाली.

रजीस्टर तपासताना ते म्हणाले, ऑफीस कसं काम करतय हे दिसतय. यातील अनेक कॅालम हे रिकामे सोडले आहेत. सर्व कॅालम खाली (रिक्त) आहेत. कोण पाहते हे. कोणाची जबाबदारी आहे ही. अहो तुमचंच काम आहे ना?. ऑफीस कसे चाललय ते पाहण्याची जबाबदारी घ्या. शासन निर्णय काय आहे?. त्याचे पत्र नाही आहे. पत्रावर ५ फेब्रुवारीची तारीख आहे. कार्यवाहीला एव्हढा विलंब का?. जलसंपदा मंत्री जयंत पाटील यांचे पत्र आहे. त्यांच्या पत्रावर काय कारवाई झाली?. उत्तर दिले त्या पत्रावर तारीखच नाही. कोणत्या विभागाशी संबंधीत विषय आहे हा. जर मंत्र्यांच्या पत्राची ही स्थिती तर कसे होणार?. त्यांच्या उलट तपासणीने अधिकारी व कर्मचाऱ्यांची चांगलीच भंबेरी उडाली.

काहीही खोटं बालू नका!

राज्यमंत्री कडू यांनी विविध पत्रव्यावहार तपासताना त्यावरील ताशेरे व तारखा पाहिल्या. अनेक पत्रांवर तारीख नाही. तारखेविना पत्र पाठवता खसे असा प्रश्न त्यांनी केला. अधिकाऱ्याला प्रत्यक्ष पत्र दाखवून १७ ऑगष्टला पत्र आले. नंतर २४ ऑगष्टला पत्राचे उत्तर दिले. सात दिवस लागले. काय कारण आहे?. तारखेला आले. सेवा हमी कायद्याचे उल्लंघन झाले. हे तपासून घ्या. यासंदर्भात सेवा हमी कायद्याचा फलक कार्यालयाच्या प्रवेशद्वारावर लावावा, अशी सूचना करून त्यांनी रिक्त पदांचीही माहिती घेतली.

...