Jalgaon News: “मला गुलाबभाऊ नाही, पाणीवाला बाबा व्हायचंय” असे विधान करणारे राज्याचे पाणीपुरवठा मंत्री गुलाबराव पाटील यांनी आपल्याला मंत्रीपद कसे मिळाले, याचा खुलासा केला आहे. "राज्यात पाणीपुरवठा हे खातं कुणीच घेत नव्हतं. मात्र, मला नशिबाने हे खातं मिळालं," असे गुलाबराव म्हणाले. (Latest Marathi News)
पंतप्रधान नरेंद्र मोदीच्या नेतृत्वाखाली मुख्यमंत्री एकनाथ शिंदेंच्या मार्गदर्शनाखाली राज्यात सगळ्या गावांना पाणीपुरवठा योग्य होत आहे, "आम्ही शिवसेना (ठाकरे गट), राष्ट्रवादी (शरद पवार गट) अशा सगळ्यांना पाणी पाजतो," असा टोला गुलाबरावांनी लगावला.
"शिंदे-फडणवीस सरकारमध्ये पाणी पुरवठा खातं देवाच्या कृपेनं मिळाल्याचंही त्यांनी यापूर्वी सांगितले आहे. "या खात्यातर्फ चांगल्या योजना राबवल्यास नावलौकिक होईल,"असे ते म्हणाले होते.
जळगाव येथे विविध विकासकामांच्या कार्यक्रमात गुलाबराव पाटलांनी तुफान टोलेबाजी केली. "मंत्री असताना तरी एकच सरकार होते. मात्र आमचं तीनजणांचे सरकार आहे. वरती भाजप, कंबर शिवसेनेचे आणि हातपाय राष्ट्रवादीचे असं चाललं आहे आमचं," असे गुलाबराव पाटील म्हणताच उपस्थितांमध्ये हशा पिकला.
राष्ट्रवादीचे माजी मंत्री गुलाबराव देवकर यांच्यासह त्यांच्या समर्थकांवर गुलाबरावांनी टीका केली. "यापूर्वी हेच राष्ट्रवादीवाले आमच्यावर 50 खोके एकदम ओके म्हणून टीका करत होते. आता अजितदादा आमच्याकडे आले तर यांची बोलती बंद झाली. यांचे आता तोंड उघडत नाही," असे गुलाबराव म्हणाले.
Edited By : Mangesh Mahale
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.