Nashik News : पदवीधरांनो, तुम्ही अज्ञानी, अशिक्षित आहात का ? नेटकऱ्यांचा सवाल ; मतपत्रिकांवर शेरोशायरी अन्..

Nashik Graduate Election News : राज्यात पाच ठिकाणी विधानसभेच्या शिक्षक व पदवीधर मतदारसंघाच्या निवडणुकीचा निकाल नुकताच लागला. यात बाद मतांमुळे निकालाचे गणित काही ठिकाणी बदलले. यानिमित्तान मते बाद कशामुळे होतात, या मुद्या सध्या चर्चेत आहेत. (Nashik Graduate Constituency Election Result news)

अशिक्षित मतदारांकडून अशा प्रकारच्या चुका होतात, हे एकवेळ मान्य करता येतील पण पदवीधर मतदारांचे काय ? त्यांच्याकडून अशा प्रकारे चुका अपेक्षीत नसल्याचे मत व्यक्त करण्यात येत आहेत.

पदवीधराची, सुशिक्षितांची निवडणूक म्हणून ओळख असलेल्या निवडणुकीत तब्बल १२ हजार ९९७ मते बाद झाली आहेत. पदवीधर असलेल्या मतदारांचे मत बाद कसे होते, अशी विचारणा सध्या होत आहे.

पदवीधर मतदार हे अज्ञानी, अशिक्षित आहेत का, असा प्रश्न सध्या सोशल मीडियातून विचारण्यात येत आहे. विशेषतः नाशिकमध्ये १३ हजार मते बाद झाली. मतदानाच्या सुमारे वीस टक्के मते बाद ठरल्याने यातून पदवीधरांचे अज्ञान दिसून येते. यावरुन नेटकऱ्यांनी या पदवीधर मतदारांना चांगलेच सुनावलं आहे.

मतदान केंद्राबाहेर मतदान करण्याबाबत मार्गदर्शक सूचनाही लावण्यात आल्या होत्या. मात्र तरीही मतमोजणी दरम्यान बाद झालेल्या मतपत्रिकेवरून पदवीधरांचे अज्ञान समोर आले आहे.

पदवीधर मतदारांचे कारनामे..

• काही मतपत्रिकांवर तर चक्क कविता, शेरोशायरी लिहिण्यात आल्या होत्या.

• अनेक मतदारांनी सर्वच उमेदवारांपुढे एक हा पसंतीक्रम दिल्याचे दिसून आले.

• काहींनी चूक आणि बरोबरच्या चिन्हाचा वापर केलेला दिसून आला.