Ahmednagar News : अभिमानास्पद! अमेरिकेतील 'ELLKAY' कंपनीच्या अध्यक्षपदावर मराठमोळा चेहरा

Ahmednagar : शिक्षण, अफाट मेहनत, प्रबळ इच्छाशक्ती, चिकाटी यांच्या जोरावर आणि प्रतिकूल परिस्थितीवर मात करत आपल्या कर्तृत्वाचा ठसा देश - विदेशात उमटविलेली अनेक उदाहरणं अवतीभवती पाहायला मिळतात. आता अहमदनगर जिल्ह्यातील एका तरुणाने केलेल्या कौतुकास्पद कामगिरीनं देशाची मान जागतिक पातळीवर अभिमानानं उंचावली आहे.

अहमदनगरमधील शेवगाव(Shevgaon) तालुक्यातल्या सामनगाव येथील अजय कापरे या तरुणानं अमेरिकेतील 'ELLKAY' कंपनीचा अध्यक्ष होण्याचा मान मिळवला आहे. या कंपनीचं आरोग्य, देखभाल, तंत्रज्ञान व उपाययोजना या क्षेत्रात कोट्यवधींची उलाढाल असून मोठा नावलौकिक मिळवला आहे.

अमेरिके(America)तील 'ELLKAY' कंपनीचं न्यू जर्सी येथे मुख्यालय आहे. तसेच या कंपनीत ७५० हून अधिक कर्मचारी आहे. रुग्णालय, आरोग्य प्रणाली, निदान प्रयोगशाळा, आरोग्यसेवा यामध्ये या कंपनीचं उल्लेखनीय काम आहे. कापरे हे २००२ पासून एँलिके या कंपनीत काम करत आहेत. त्यात मागील सहा वर्षांपासून धोरण व विपणन अधिकारी म्हणून या कंपनीत जबाबदारी पार पाडत आहे.

अजय कापरे हे मुळचे सामनगाव (ता. शेवगाव) येथील रहिवाशी व अहमदनगर जिल्हा मराठा शिक्षण प्रसारक मंडळाचे विश्वस्त असलेल्या ॲड. वसंतराव शाहुराव कापरे यांचे धाकटे चिरंजीव आहेत. तर युवा सामाजिक कार्यकर्ते व उद्योजक विजय कापरे यांचे ते बंधू आहेत. संगणक अभियांत्रिकीत पदवीधर असलेल्या कापरे यांनी टेक्सास टेक विद्यापीठातून एम. बी. ए. मार्केटिंगची पदवी घेतली.(Latest Marathi News)

कापरे यानं आपल्या प्रचंड मेहनत, प्रबळ इच्छाशक्तीच्या जोरावर ग्रामीण भागातील तरुणाने अल्पावधीत थेट आंतरराष्ट्रीय पातळीवरील कंपनीच्या व्यवस्थापनाचे प्रमुखपद मिळवल्याने गावाची, तालुक्याची व जिल्ह्याची मान देखील अभिमानाने उंचावली आहे.

संस्थेच्या कामकाजाची प्रक्रिया व प्रणाली सुधारण्यासाठी तसेच हेल्थ केअर टेक्नालॉजी सोलुशन विकसीत करण्यासाठी वितरण संस्थांना समर्थन देण्यासाठी त्यांनी विशेष प्रयत्न केले. त्या दृष्टीने संस्थेच्या कार्यकारी मंडळाने त्यांच्यावर अधिक जबाबदारीचा भार म्हणून थेट 'ELLKAY' या कंपनीचे अध्यक्ष व मुख्य धोरण अधिकारी म्हणून नियुक्ती देवून त्यांच्या कार्याचा गौरव केला आहे.

(Edited By Deepak Kulkarni)