Nashik News: शरद जोशी यांनी शेतकऱ्यांना लढायला शिकवले

नाशिक : शरद जोशी (Sharad Joshi) यांनी शेतकऱ्यांना (Farmers) आपल्या हिताचा विचार करण्याची प्रेरणा दिली. शेतमालाला (Agreeculture produce) योग्य भाव मिळावा यासाठी जागृत केले. आपल्या अधिकारासाठी प्रस्थापितांच्या यंत्रणांविरोधात लढायला शिकवले. त्यामुळे शरद जोशी यांचे कार्य शेती व शेतकरी दोघांसाठी सदैव प्रेरणादायी राहील, असे प्रतिपादन करंजगाव (Niphad) येथे झालेल्या कार्यक्रमता विविध संघटनेच्या विविध पदाधिकाऱ्यांनी केले. (Farmers pay homage to Sharad Joshi at Karanjgaon)

शेतकरी संघटनेचे प्रणेते (कै.) शरद जोशी यांच्या ८७ व्या जयंतीनिमित्त करंजगाव येथे त्यांना शेतकरी संघटनेच्यावतीने अभिवादन करण्यात आले. शेतकरी संघटनेच्या करंजगाव (ता. निफाड) येथे त्यांच्या प्रतिमेचे पूजन करण्यात आले.

यावेळी प्रसाद देशमुख प्रमुख पाहुणे होते. यावेळी त्यांनी शरद जोशी यांच्या संघर्षमय जीवन व शेतकरी संघटनेच्या चळवळीचा प्रवास सांगितला. शेतकरी संघटनेचे जेष्ठ कार्यकर्ते शांताराम (अण्णा) पावशे यांनी शरद जोशी यांच्या सोबत केलेल्या शेतीच्या लढ्यातील आठवणी सांगितल्या.

यावेळी भीमराव कोटकर यांनी संघटना बांधणीसाठी तरुणांनी एकत्र येण्याची गरज आहे. शेतीचे अनेक प्रश्न आहेत. त्यांची अभ्यासपूर्ण मांडणी करावी लागले. शासकीय यंत्रणा व केंद्र व राज्यातील शेतकऱ्यांच्या प्रश्नाची दखल घेण्यास तयार नाही. त्यासाठी आपल्याला ताकद दाखवावी लागेल. त्यासाठी नव्या पिढीतील तरुण शेतकऱ्यांनी याबाबत पुढे आले पाहिजे, असे सांगितले.

कार्यक्रमास स्वाभिमानी शेतकरी संघटनेचे राम राजोळे, शेतकरी संघटनेचे ज्येष्ठ कार्यकर्ते सुरेश राजोळे, माधव टिळे, आण्णा पवार, पोपट राजोळे, अर्जुन भगुरे, रमेश राजोळे, रामनाथ टिळे, बाळासाहेब पावशे, प्रभाकर लचके, सरपंच नंदु निरभवणे, सोसायटी चेअरमन बाळासाहेब दराडे आदी उपस्थित होते. सुत्रसंचलन विवेक बर्वे यांनी केले.

---