Devendra Fadnavis News : राऊतांच्या टीकेला कवडीचीही किंमत न देता फडणवीसांनी पत्रकारांनाच केला 'हा' उलट प्रश्न; म्हणाले...

Devendra Fadnavis Vs Sanjay Raut : राज्यात लोकसभा निवडणुकीची रणधुमाळी सुरू आहे. प्रत्येक पक्षाचे नेते विविध जिल्ह्यांचा दौरा करत आहेत. विविध ठिकाणी सभा घेत आहेत. यादरम्यान नेतेमंडळी आपल्या विरोधकांवर टीका करताना दिसत आहेत. अशातच महायुतीवर आणि पंतप्रधान मोदी आणि देशाचे गृहमंत्री अमित शाह यांच्यावर सातत्याने टीका करणारे ठाकरे गटाचे खासदार संजय राऊत (Sanjay Raut) यांनी बुलडाण्यातील सभेत देशाचे पंतप्रधान नरेंद्र मोदी (Narendra Modi) यांची तुलना औरंगजेबाशी केली होती.

बुलडाण्यातील जाहीर सभेत बोलताना राऊत (Sanjay Raut) म्हणाले होते, "यापुढे मोदी नव्हे तर औरंगजेब म्हणा" राऊतांच्या या वक्तव्यावर उपमुख्यमंत्री देवेंद्र फडणवीस (Devendra Fadnavis) यांना पत्रकारांनी प्रश्न विचारला असता, "राऊतांवर मी बोलावं का? माझी काहीतरी प्रतिमा ठेवा," असं म्हणत फडणवीसांनी पत्रकारांनाच उलट प्रश्न केला आणि यावर बोलणं टाळलं.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

माध्यमांशी बोलताना फडणवीस म्हणाले, "संजय राऊत कोण आहेत? त्यांच्यासारख्या माणसावर मी उत्तर द्यावं का? माझी काही तरी प्रतिमा ठेवा." या वेळी पत्रकारांनी त्यांना भाजप नेते हर्षवर्धन पाटील (Harshvardhan Patil) नाराज आहेत का? असं विचारलं असता ते म्हणाले, ते नाराज नाहीत, त्यांचे काही प्रश्न होते त्यांचे प्रश्न समजून घेत समाधान शोधण्याचा प्रयत्न केला असल्याचं फडणवीस म्हणाले.

तसेच महायुतीत मोहिते पाटलांच्या नाराजीबाबतचा प्रश्न विचारला असता, फडणवीस म्हणाले, "त्यांच्याशी आम्ही चर्चा करत आहोत. एकदा निर्णय झाला की आम्ही मोदीजींना पंतप्रधान करण्यासाठी प्रयत्न करतोय. त्यांच्याशी सर्वचजण बोलत आहेत. माझ्यासह प्रदेशाध्यक्ष चंद्रशेखर बावनकुळे (Chandrasekhar Bawankule) आणि मंत्री गिरीश महाजनही त्यांना भेटून आले आहेत." दरम्यान, आजच्या बैठकीत बूथ बांधणीवर चर्चा झाली असून, कार्यकर्त्यांना बूथ बांधणीची माहिती दिल्याची या वेळी बोलताना त्यांनी सांगितले.

R