MNS : धक्कादायक : मनसेच्या मोठ्या नेत्यावर प्राणघातक हल्ला ; हल्लेखोरांनी चेहऱ्यावर..

MNS Sandeep Deshpande : मनसे नेते संदीप देशपांडे यांच्या जीवघेणा हल्ला झाल्याची माहिती समोर येत आहे. ते गंभीर जखमी झाल्याचे समजते,

त्यांना हिंदुजा रुग्णालयात उपचारासाठी दाखल करण्यात आले. ते मार्निग वॉकसाठी शिवाजी पार्क येथे आले होते, तेव्हा त्यांच्यावर हल्ला झाल्याची प्राथमिक माहिती आहे.

देशपांडे हे नेहमीप्रमाणे सकाळी शिवाजी पार्क येथे फिरण्यास आले होते. आज ते एकटेच होते. यावेळी तोडाला रुमाल बांधलेल्या हल्लेखोरांनी त्यांच्यावर हल्ला केला.

देशपांडे हे समाजमाध्यमांवर नेहमीच टीका करीत असतात, त्यांचा राग मनात ठेवून हा हल्ला झाला असल्याची चर्चा आहे. पोलीस हल्लेखोरांचा शोध घेत आहेत.

दादरच्या शिवाजी पार्क येथे चार अज्ञात व्यक्तींनी देशपांडेंवर प्राणघातक हल्ला केला आहे. क्रिकेटच्या स्टॅम्पने डोक्यावर मारण्याचा प्रयत्न करण्यात आल्याचं सांगण्यात आले. सध्या त्यांची प्रकृती स्थिर आहे. हल्लेखोरांनी चेहऱ्यावर रुमाल बांधला होता, त्यामुळे त्यांना ओळखता आलेले नाही, असे प्रत्यक्षदर्शीनी सांगितले.

या घटनेमुळे मनसे कार्यकर्ते आक्रमक झाले आहेत. हा नियोजीत हल्ला असल्याचा मनसेने आरोप केला आहे. देशपांडे यांच्यावर झालेला हल्ला राजकीय हल्ला असण्याची शक्यता मनसेच्या पदाधिकाऱ्यांनी व्यक्त केली आहे. या हल्लेखोरांना लवकरात लवकर अटक करावी, अशी मागणी मनसेकडून करण्यात येत आहे.