BMC power politics : मुंबई महापालिकेत सत्तेत जाताना एकनाथ शिंदे शिवसेना, भाजपच्या 'धुरंधर' नीतीचा अनुभव घेत आहेत. एकनाथ शिंदे यामुळे मुंबई महापालिकेत भाजपबरोबर जात असताना प्रत्येक निर्णय सावकाश घेताना दिसत आहे.
यातूनच भाजपबरोबर संयुक्त गटनोंदणीच्या निर्णयावर एकनाथ शिंदे यांनी अंतिम निर्णय घेतला आहे. भाजपबरोबर संयुक्त गटनोंदणीऐवजी पुढील पाच वर्षे मुंबईत स्वतंत्र अस्तित्व टिकवण्यासाठी स्वतंत्र गटनोंदणीचा निर्णय एकनाथ शिंदे यांनी घेतला आहे.
मुंबई महापालिकेतील सत्ता वाटपावर देवेंद्र फडणवीस आणि एकनाथ शिंदे (Eknath Shinde) यांच्यात काल चर्चा झाल्याची सूत्रांची माहिती आहे. पण महापालिकेतील वैधानिक आणि विशेष समित्यांच्या सदस्यसंख्येवरून सुरू झालेल्या चर्चांमुळे भाजप आणि एकनाथ शिंदे शिवसेना यांच्यात संयुक्त गट नोंदणी होईल, असे सांगितले जात होते.
संयुक्त गटनोंदणीमुळे पुढील पाच वर्षे महापालिकेत भाजपचेच धोरणानुसार चालावे लागले, सत्ताधारी भाजपच्या (BJP) धुरंधर नीतीचे, सत्तेतील अनुभवावरून एकनाथ शिंदे मुंबईत महापालिकेत सावध झाल्याचे दिसते. मुंबई महापालिकेत भाजप सत्ताधाऱ्यांबरोबर एकनाथ शिंदेंच्या शिवसेनेचे अस्तित्व धोक्यात येऊ नये म्हणून, स्वतंत्र पक्ष म्हणून गटनोंदणीचा वेगळा निर्णय घेतला आहे. यानुसार कोकण भवन आयुक्तालयात एकनाथ शिंदे शिवसेनेचे नगरसेवक स्वतंत्र गटनोंदणी करणार असल्याची माहिती आहे.
भाजप आणि एकनाथ शिंदे शिवसेनेची संयुक्त गटनोंदणी झाल्यास गुणोत्तर प्रमाणात बदल होऊन सत्ताधारी गटाचा एक सदस्यमध्ये वाढ होऊ शकते. मात्र, संयुक्त नोंदणीनंतर महापालिकेत भाजप-एकनाथ शिंदे शिवसेनेचा एकच गटनेता होऊ शकतो. तसेच सभागृहात, सर्व समित्यांमध्ये भाजप जी भूमिका घेईल, त्याच भूमिकेचे एकनाथ शिंदे शिवसेनेला बंधन येण्याची शक्यता होती. त्याच भूमिकेला समर्थन द्यावे लागेल.
याशिवाय, महापालिकेत दोन्ही पक्षांना स्वतंत्र कार्यालयाऐवजी एकच कार्यालय मिळण्याची शक्यता आहे. समित्यांवर एकनाथ शिंदे शिवसेनेला किती प्रतिनिधित्व द्यायचे, याचा अंतिम निर्णयही भाजपच्या गटनेत्याकडे राहील, अशी अट असण्याची चर्चा होती.
आताच्या पक्षीय बलाबलानुसार स्वतंत्र नोंदणी झाल्यास स्थायी समितीवर भाजपचे आठ आणि एकनाथ शिंदे शिवसेनेचे तीन सदस्य जाण्याची शक्यता आहे. मात्र, संयुक्त गट झाल्यास एकनाथ शिंदे शिवसेनेचे किती सदस्य स्थायी समितीवर पाठवायचे, याचा अधिकार भाजपकडेच राहिला असता. यामुळेच एकनाथ शिंदे शिवसेनेने स्वतंत्र गट म्हणून नोंदणी करण्याचा निर्णय घेतल्याचे समजते.
मुंबई महापालिकेच्या निवडणुकीच्या निकालाला दहा दिवस उलटून गेले असले, तरी बहुमत मिळालेल्या भाजप–एकनाथ शिंदे शिवसेना युतीने अद्याप कोकण आयुक्तांकडे गट नोंदणी केलेली नाही. महापौरपद, उपमहापौरपद, विविध वैधानिक व विशेष समित्यांचे अध्यक्षपद तसेच सदस्यसंख्येवरून दोन्ही पक्षांच्या नेत्यांमध्ये गेल्या काही दिवसांपासून सविस्तर चर्चा सुरू होती. विशेषतः महापालिकेच्या तिजोरीच्या चाव्या असलेल्या स्थायी समितीतील सदस्यसंख्येवरून गणिते मांडली जात आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.