Chitra Wagh : उर्फी राहिली बाजूला, चित्रा वाघ यांनाच महिला आयोगाची नोटीस!

Chitra Wagh : आपल्या वेगवेगळ्या पेहरावामुळे कायम प्रसिद्धीच्या झोतात असणारी उर्फी जावेद आणि भाजप नेत्या चित्रा वाघ यांच्यात मागील काही दिवसांपासून वाद पेटला आहे. उर्फीच्या पेहरावावर वाघ यांनी आक्षेप घेतला होता. काल (दि.५ जाने.) पत्रकार परिषेदेत वाघ महिला आयोगावरही टिप्पणी केली होती. आयोगावर कलेल्या टिपण्णीमुळे वाघ यांना नोटीस पाठवण्यात आलेली आहे.

महिला आयोगाच्या अध्य़क्षा रूपाली चाकणकर (Rupali Chakankar) म्हणाल्या की, "अभिनेत्री तेजस्विनी पंडीत यांना महिला आयोगाने कोणताही पत्र पाठवले नाही. दिग्दर्शक संजय जाधव यांना पत्र पाठवलं होतं.'अनुराधा' या वेबसिरीजचे पोस्टर शहरभर लावले गेले होते. या पोस्टरबाबत पालकांनी तक्रार केल्यानंतर संजय जाधव यांना आयोगाने पत्र पाठवले होते. यामुळे तेजस्विनी पंडीत यांना महिला आयोगाने पत्र पाठवले, अशी चित्रा वाघ यांनी चुकीची माहिती प्रसारमाध्यमांद्वारे दिला आहे. "

"आयोग तीस वर्षापासून काम करतंय, आयोगाची गरिमा मोठी आहे. कर्तुत्ववान स्त्रियांनी आयोगासाठी योगदान दिलेले आहे. मात्र स्वत:च्या प्रसिद्धीसाठी आयोगावर खोटे आरोप करण्यात येत, त्यामुळे आता चित्रा वाघ यांना अयोगाच्या वतीने नोटीस पाठवण्यात येत आहे. ही नोटीस आता वाघ यांना गेलेली आहे." असे चाकणकर म्हणाल्या. 'आपण राज्य महिला आयोगाची अप्रतिष्ठा होईल, असे वक्तव्य केले आहे,' असा ठपका आता चित्रा वाघ यांच्यावर ठेवण्यात आलेले आहे.

उर्फीनिमित्त सुरू झालेला वाद आता चाकणकर आणि वाघ यांच्यातच पेटल्याने, ही लढाई आता थेट भाजप व राष्ट्रवादीमधील झाले आहे. यावर अद्याप वाघ यांनी भूमिका स्पष्ट केलेले नाही, मात्र आता वाघ महिला आयोगाच्या नोटीशीला कसे उत्तर देतात, व प्रकरण पुढे काय काय वळण घेईल, हे पाहणे महत्त्वाचे आहे.