Sachin Sawant On BJP Leader: भगवी बिकीनी चालत नाही, पण भगवा कार्पेट चालतो..?; भाजप नेत्यांना काँग्रेसचा सवाल

'किंगखान' शाहरुख खान याच्या 'पठाण' सिनेमातील 'बेशरम रंग' गाण्यावर काही दिवसापूर्वी झालेला वादाची आठवण काँग्रेस नेत्यानं केलेल्या एका टि्वटमुळे नेटकऱ्यांनी पुन्हा झाली. मुख्यमंत्री एकनाथ शिंदे यांचा काल (रविवारी) अयोध्या दौरा झाला. या दौऱ्याचा एक व्हिडिओ त्यांनी शेअर केला आहे.

अयोध्या दौऱ्यानंतर शिंदे यांनी उत्तरप्रदेशाचे मुख्यमंत्री योगी आदित्यनाथ यांनी भेट घेतली. या भेटीचे फोटो, व्हिडिओ माध्यमांनी प्रसिद्ध केले आहेत. यात भगव्या कार्पेटवरुन दोन्ही मुख्यमंत्री आपल्या कार्यकर्त्यांसह चालत जात असल्याचे दिसत आहे.

यावरुन काँग्रसचे प्रवक्ते सचिन सावंत यांनी भाजप आणि भाजप नेत्यांना टोमणा हाणला आहे. सावंत यांनी टि्वट केलेल्या व्हिडिओ अनेक नेटकऱ्यांनी रिटि्वट केला आहे. त्यावर प्रतिक्रिया दिल्या आहेत.

'पठाण' सिनेमातील भगवी बिकीनीवरुन भाजप नेत्यांनी केलेली टीकेची आठवण सावंतानी त्यांना करुन दिली आहे. "भगवी बिकीनी चालत नाही पण भगवा कार्पेट चालतो. बिनधास्त पादत्राणे घालून भगवा कार्पेट तुडवा. जनतेच्या धार्मिक भावनांशी खेळून सत्तेचा सारीपाट भाजपा कसा मांडते यांचे हे उदाहरण. दांभिकपणा हा भाजपाचा स्थायीभाव आहे.धार्मिक द्वेष पसरविण्यातून यांचे राजकारण होते पण देश कमजोर होत आहे," असे सचिन सावंत यांनी आपल्या टि्वटमध्ये म्हटलं आहे.

(Edited By Mangesh Mahale)