मुंबई : सामाजिक न्याय राज्यमंत्री दिलीप कांबळे यांचे खासगी सचिव रमेश मनाळे यांना पदोन्नती मिळाली असून नुकतेच ते वसई - विरार महानगरपालिकेत अतिरिक्त आयुक्त म्हणून रूजू झाले आहेत. कांबळे मंत्रीपदावर आल्यानंतर सुरूवातीपासूनच मनाळे त्यांच्याकडे खासगी सचिव म्हणून कार्यरत होते.
मंत्रालयात अवर सचिव हे त्यांचे मूळ पद होते. नुकतीच त्यांची उप सचिव म्हणून पदोन्नती झाली. या पदोन्नतीनंतर त्यांना आता वसई विरार महानगरपालिकेचे अतिरिक्त आयुक्त म्हणून नियुक्ती देण्यात आली आहे. मंत्रालयामधील अधिका-यांच्या पदोन्नतीसाठी अनुसूचित जाती, जमाती, विमुक्त व भटक्या जमाती इत्यादी मागासवर्गीय प्रवर्गांसाठी आरक्षण असू नये, अशी भूमिका मनाळे यांनी घेतली होती.
एवढेच नव्हे तर, या पदोन्नतीला त्यांनी "मॅट"मध्ये आव्हान देखील दिले होते. मागासवर्गीयांच्या हितसंबंधांचे संरक्षण करण्याची जबाबदारी असलेल्या सामाजिक न्याय राज्यमंत्र्यांच्या खासगी सचिवानेच आरक्षणाला आव्हान दिल्याने मनाळे यांच्या विरोधात नाराजी पसरली होती.
मंत्रालयातील मागासवर्गीय अधिका-यांनी सामाजिक न्यायमंत्री राजकुमार बडोले यांची भेट घेऊन मनाळे यांच्या विरोधात तक्रार केली होती. बडोले यांनीही मनाळे यांच्या कृतीवर नाराजी व्यक्त केली होती.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.