मुंबई : परिवहन खात्यातील अधिकाऱ्याच्या सांगली, बारामती (Baramati), पुणे (Pune) येथील मालमत्तांवर प्राप्तिकर विभागाने छापे टाकले आलेत. त्या वेळी या अधिकाऱ्यांचे अनेक उद्योग लक्षात आले. प्राप्तिकर विभागाने (Income Tax Department) अपारदर्शक व्यवहार, व मनी लॅंड्रींगमध्ये शिवसेना नेते व राज्याचे परिवहन मंत्री अनिल परब (Anil Parab) यांच्यासह अधिकारी बजरंग खरमाटे (Bajrang Kharmate) यांचा सहभाग असल्याचे आढले असल्याचा दावा, भाजप नेते माजी खासदार किरीट सोमय्या यांनी केला आहे.
या संदर्भात सोमय्या यांनी ट्वीट केले आहे. त्यामध्ये ते म्हणाले, आयकर विभागाच्या धाडींचे परिणाम: अनिल परब, सदानंद कदम आणि बजरंग खरमाटे हे कोट्यावधींची रोकड, अपारदर्शक व्यवहार, व मनी लॅंड्रींगमध्ये सहभागी असल्याचे आढळले. ED ने सुद्धा कारवाई करावी, अशी मागणी त्यांनी केली आहे. भारत सरकारच्या पर्यावरण मंत्रालयाने सुद्धा फौजदारी खटला दाखल केला आहे, असल्याचे सोमय्या यांनी म्हटले आहे.
प्राप्तिकर विभागाच्या छाप्यांमध्ये अधिकाऱ्यांचे अनेक कारनामे बाहेर आले आहेत. त्यामध्ये कन्स्ट्रक्शन, सरकारी ठेकेदारी, मालमत्ता भाड्याने देणे यात हा अधिकारी गुंतल्याचे प्राप्तिकर विभागाच्या लक्षात आले. तनिष्का सारखे शोरुम या अधिकाऱ्याच्या जागेत आहे. त्याचे मोठे भाडे त्याला मिळते. तसेच बारामती आणि पुणे येथे एक बंगल आणि फार्महाऊस आहे. तासगाव येथे दुसरे मोठे लॅव्हिश फार्महाऊसपण प्राप्तिकर विभागाला आढळले आहे.
या अधिकाऱ्याचा कन्स्ट्रक्शन व्यवसाय त्याचे नातेवाईक सांभाळत असल्याचे निष्पन्न झाले असून या कंपनीला सरकारी कामेही मिळाली आहेत. कामाच्या खर्चात बोगस बिले देऊन आणि महागाई दाखवून सुमारे 27 कोटी रुपयांची जादा रक्कम वसूल केल्याचे या तपासणीत सापडले. बारामतीतील जमीन विक्रीचा दोन कोटी रुपयांचा बेहिशोब रोख व्यवहारही दिसून आला आहे. सुमारे 66 लाख रुपयांची रोकड जप्त करण्यात आली आहे. हे अधिकारी खरमाटे असल्याचा दावा सोमय्या यांनी केला आहे. डिजिटल आणि कागदोपत्रे हस्तगत करण्यात आले पुढील तपासासाठी त्यांचे विश्लेषण सुरू आहे.
दरम्यान, आरटीओ घोटाळा प्रकरणी पहिल्यांदा बजरंग खरमाटे यांचे नाव समोर आले होते. या प्रकरणी गजेंद्र पाटील या अधिकाऱ्याने दिलेल्या तक्रारीवरून ईडीने काही दिवसापूर्वी खरमाटे यांच्यावर छापे टाकले होते. तसेच, खरमाटे यांची 8 तास चौकशी केली होती. खरमाटे हे मंत्री अनिल परब याच्या जवळच्या अधिकाऱ्यांपैकी मानले जातात. संजय कदम यांच्यावरही प्राप्तिकर विभागाने छापे टाकले होते. कदम हे शिवसैनिक असून, परब यांचे ते विश्वासू सहकारी मानले जातात. कदम हे केबल व्यावसायिक आहेत.
बजरंग खरमाटे कोण आहेत?
आरटीओचे अधिकारी असणारे बजरंग खरमाटे यांच्यावर ईडीने मागील वर्षी कारवाई करत त्यांची 8 तास चौकशी केली होती. खरमाटे यांच्यावर दोन वेळा गंभीर आरोप झाले होते. आरटीओ विभागातील बदल्या आणि पदोन्नतीसंदर्भात ईडीने त्यांची चौकशी केली होती. सोलापूर येथे असताना खरमाटे दोन वेळा निलंबित झाले होते. बदली व पदोन्नतीसाठी त्यांच्या मुंबई व पुण्यात सतत फेऱ्या होत असल्याचा आरोपही झाला होता. यामुळे खरमाटे हे ईडीच्या रडारवर आले होते. आता खरमाटे यांच्या घरावर प्राप्तिकर विभागानेही छापे टाकल्याचा दावा सोमय्या यांनी केला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.