Mansoon Session : अधिवेशनापूर्वी विरोधी पक्षनेतेपदावरून पेच; काँग्रेस करणार दावा?

Mumbai News : महाराष्ट्राच्या विधानसभेतील आणि विधानपरिषेदेतील विरोधीपक्षनेत्याचा पेच पुन्हा निर्माण झाला आहे. शिवसेनेत झालेल्या फुटीनंतर आता राष्ट्रवादी काँग्रेस पक्षातही दोन गट निर्माण झाले आहे. यामुळे सभागृहातील पक्षीय संख्याबळाचे समीकरण बदललेले आहे. यामुळे आता विधानसभा अध्यक्ष विरोधीपक्ष नेत्याला (Leader Of Opposition) मान्यता देणार का? देणार असेल तर कधी? याबाबत आता प्रश्न निर्माण झाले आहे. (Ncp Crisis News

उद्या सोमवार पासून (दि.१७ ) राज्य विधिमंडळाचे पावसाळी अधिवेशन सुरू होत आहे. मात्र आता विरोधी पक्षनेतेपदाचा प्रश्न कसा सोडवला जाणार? याबाबत प्रश्न निर्माण झाला आहे. यापूर्वी विरोधी पक्षनेतेपदावर असलेले राष्ट्रवादी काँग्रेसचे नेते अजित पवार आता सत्ताधारी गोटात गेले आहेत. राष्ट्रवादी काँग्रसचे अध्यक्ष शरद पवार यांच्यागटाकडून विरोधीपक्षनेतेपदी जितेंद्र आव्हाड यांची निवड करण्यात आली. मात्र अजूनही यासाठी विधानसभा अध्यक्षांची याला मान्यता मिळालेली नाही. असे असले तरी काँग्रेसकडून आमदारांच्या संख्याबळाच्या निकषावर विरोधीपक्ष नेतेपदावर दावा करण्यात येत आहे. यामुळे विरोधीपक्ष कुणाचा होणार, याबाबत काय निर्णय घेतला जातो, याकडे सर्वांचेच लक्ष लागले आहे.

काँग्रेसनं गटनेते पदावर दावा करण्याची शक्यता :

विधिमंडळातील विरोधी पक्षामध्ये ज्यांचे आमदार सर्वाधिक त्यांचाच विरोधी पक्षनेता निवडला जातो. अजित पवारांच्या गटात राष्ट्रवादी काँग्रेसचे जवळपास ३७ आमदार असल्याची चर्चा आहे. राष्ट्रवादी शरद पवार गटाकडून 12 जणांविरोधात कारणे दाखवा नोटीस पाठवली गेली आहे. आणि याआधीच नऊ आमदारांवर कारवाईचा बडगा उचलला आहे. म्हणजेच 21 आमदार आपल्या पक्षात नाहीत, असे शरद पवार गटाचे अधिकृत म्हणणे आहे, असे बोलले जाते. यामुळे राष्ट्रवादीचे संख्याबळ कमी झाल्याचे दिसून येते. यामुळे काँग्रेस विरोधीपक्षावर दावा करू शकतो.

सभागृहातील विरोधी पक्षनेता हा विरोधी पक्षातल्या सदस्यांचं प्रतिनिधित्व करीत असतो. देशातील संसदभवनात एकूण सदस्यसंख्या किमान एक दशांश तरी संख्याबळ असणारे पक्ष विरोधीपक्षनेते पदावर दावा करू शकतात, अशी एक कायदेशीर अट आहे. त्यामध्ये सर्वाधिक संख्याबळ असलेल्या पक्षाकडे हे पद दिले जाते. (Latest Marathi News)