मोरगिरी (ता. पाटण) : कोरोनाच्या पार्श्वभूमीवर ''माझे कुटूंब माझी जबाबदारी'' अभियानाच्या जागृतीसाठी गृहराज्यमंत्री शंभूराज देसाई पाटण मतदारसंघातील गावोंगावी पोहचले आहेत. प्रमुख गांवामध्ये जाऊन सामाजिक अंतर पाळत स्वतः स्पीकरवरुन अभियानाची जनजागृती.करत असून नागरीकांना विविध सूचना करत आहेत.
मुख्यमंत्री उध्दव ठाकरे यांनी कोरोना संसर्गापासून बचाव करण्यासाठी ''माझे कुटूंब माझी जबाबदारी'' ही संकल्पना राज्यातील जनतेसमोर ठेवली आहे. मुख्यमंत्री यांच्या या संकल्पनेची जनजागृती करण्यासाठी गृहराज्यमंत्री शंभूराज देसाईंनी त्यांच्या मतदारसंघातील सर्व शासकीय अधिकाऱ्यांना बरोबर घेऊन ग्रामीण भागातील गावागावात जाऊन जागृती करण्यास सुरवात केली आहे.
सामाजिक अंतर पाळत स्पीकरवरुन त्यांनी ग्रामीण भागातील नागरिक, महिला व युवक-युवतींना या अभियानाचे महत्व पटवून दिले. कोरोना संसर्गापासून आपणच आपला बचाव केला पाहिजे. याकरीता हे अभियान खुप महत्वपूर्ण आहे. त्यामुळे ग्रामीण भागातील कुटुंबांतील प्रत्येकाने सतत मास्क वापरा, बाहेरुन घरात आल्यानंतर हातपाय स्वच्छ धुवा, घरातून बाहेर गेल्यानंतर सामाजिक अंतर पाळा याबाबींचे आवाहन स्वतः शंभूराज देसाईंनी गावागांवात जावून केले आहे.
कोरोनाच्या महामारीत मुख्यमंत्री यांच्या मार्गदर्शनाखालील संपूर्ण राज्य शासन जनतेच्या पाठीशी खंबीरपणे उभे असल्याचेही श्री. देसाई यांनी सांगितले. केरळ (ता. पाटण) येथे स्पीकरवरून जनजागृती करत त्यांनी ग्रामस्थांशी संवाद साधला. पाटण तालुक्‍यातील प्रशासकीय अधिकारी, शिवसेनेचे जिल्हाप्रमुख जयवंतराव शेलार, बबनराव माळी, बापूराव सावंत, कृष्णत देसाई, वाय. के. जाधव, सुरेश जाधव यांची उपस्थिती होती.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.