मीरा-भाईंदर येथे आज मराठी मोर्चाचे आयोजन करण्यात आले आहे. यासाठी नागरिकांना एकत्र येण्याचे आवाहन मनसेकडून करण्यात आले आहे. काही दिवसापूर्वी येथील व्यापाऱ्यांना मोर्चा काढून शक्तीप्रदर्शन केले होते. त्याला प्रत्युत्तर देण्यासाठी या मोर्चाचे आयोजन करण्यात आले आहे. या मोर्चापूर्वी मीरा भाईंदरच्या व्यापाऱ्यांकडून दिलगिरी व्यक्त करण्यात आली आहे.
या व्यापाऱ्याकडून पोलिसांना माफीनाफा लिहून देण्यात आला आहे. आमच्या मोर्चामुळे कुणाची मनं दुखावली गेली असतील तर आम्ही माफी मागतो, असे पत्रात नमूद करण्यात आले आहे. मोर्चापूर्वी भीतीपोटी या व्यापाऱ्यांनी हा माफीनामा दिला आहे. आमच्या मोर्चामुळे चुकीचा राजकीय संदेश गेला, आम्ही मराठी माणसासोबतच आहोत, असे या व्यापाऱ्यांनी स्पष्ट केले आहे.
मनसेकडून आज मीरा भाईंदरमध्ये मोर्चाचे आयोजन करण्यात आले होते. पोलिसांनी मनसे नेत्यांची धरपकड सुरु केली आहे. अविनाश जाधव यांना पोलिसांनी ताब्यात घेतल्यानंतर आता मनसेचे नेते, माजी आमदार राजू पाटील, संदीप देशपांडे यांना मीरा भाईंदरमध्ये येण्यास पोलिसांनी बंदी घातली आहे. राजू पाटील आणि संदीप देशपांडे यांनी पोलिसांनी नोटीस बजावली आहे.
मोर्चापूर्वी ठाणे-पालघर जिल्हाप्रमुख अविनाथ जाधव यांना पोलिसांनी पहाटे तीन वाजण्याच्या सुमारास ताब्यात घेतले आहे. काशिमिरा पोलिस ठाण्यात त्यांना थांबवून ठेवण्यात आले आहे. मराठी बांधवांना या मोर्चासाठी मोठ्या संख्येने जमण्याचे आवाहन जाधव यांनी केले होते. पोलिसांनी अविनाश जाधव यांना नोटीस बजावली होती.
मीरा-भाईंदर परिसरात मराठी माणसांवर सतत होत असलेल्या अन्यायाला विरोध करण्यासाठी मुंबई परिसरातील विविध मराठी संघटना, संस्था, विविध पक्षातील पदाधिकारी या मराठी मोर्चासाठी एकत्र आले आहे.
मराठी भाषेला दुय्यम स्थान देणे, मराठी व्यक्तींना घर देण्यास नकार देणे, तसेच विशिष्ट समाजाच्या नावाने शहरात तेढ निर्माण करण्याचे प्रकार सातत्याने घडत असल्यामुळे मराठी जनतेत तीव्र असंतोष निर्माण झाला आहे. या सगळ्याविरोधात या मोर्चाचे आयोजन करण्यात आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.