Piyush Goyal warning : 'आता एकही अनधिकृत झोपडी दिल्यास, अधिकारी जबाबदार'; केंद्रीय मंत्री गोयल यांची तंबी!

Navi Mumbai illegal slums : भाजप केंद्रीय मंत्री पियुष गोयल यांनी नवी मुंबईत अनधिकृत झोपड्यांवरून महापालिका अधिकाऱ्यांना चांगलीच तंबी दिली. नवी मुंबईत यापुढे एकही अनधिकृत झोपडी होऊ नये यासाठी दक्षता घ्यावी. तशी न घेतल्यास संबंधित अधिकाऱ्यांना जबाबदार धरले जाईल, त्यांच्यावर कारवाई केली होईल, असा इशारा मंत्री गोयल यांनी दिला आहे.

याशिवाय माझ्या नावाचा वापर करून कोणी चुकीचे काम करण्यास सांगितले, तर स्पष्ट नकार द्या. माझे कार्यालय लोककल्याण इथं त्याची तक्रार करा, असेही गोयल यांनी म्हटले आहे.

नवी मुंबईतील बोरिवली पश्चिमेकडील पालिकेच्या आर/मध्य विभाग कार्यालयात केंद्रीय वाणिज्य मंत्री पीयूष गोयल (Piyush Goyal) यांच्या हस्ते महात्मा फुले नगरातील 91 पात्र झोपडीधारकांना पुनर्वसन योजनेतील सदनिकांचे वाटप करण्यात आले. त्यावेळी त्यांनी महापालिकेच्या अधिकाऱ्यांना अनधिकृत झोपडपट्टींवरून तंबी दिली.

'पात्र झोपडपट्टीधारकांना हक्काची घरे मिळण्यासाठी वेगाने प्रयत्न केले पाहिजेत, अशी अपेक्षा व्यक्त करताना, उत्तर मुंबईत (Mumbai) एकही नवीन झोपडी उभारली जाता कामा नये आणि कोणी अनधिकृत बांधकाम केल्यास त्याच्यावर कठोर कारवाई करावी', असे निर्देश केंद्रीय मंत्र्यांनी पालिका अधिकाऱ्यांना दिले.

'प्रत्येक व्यक्तीला आपल्या मुलांचे संगोपन पक्क्या घरात करायचे असते. त्यामुळे झोपडपट्टी पुनर्वसनाची प्रक्रिया गतिमान होण्यासाठी अधिकाऱ्यांनी प्रामाणिकपणे काम करावेत. तसेच, बाहेरचा कोणी या भागात येणार नाही आणि येथील रहिवाशांना अन्यायाने बाहेर फेकले जाणार नाही, याची खबरदारी घ्यावी', असेही मंत्री गोयल यांनी म्हटले.

मंत्री पियुष गोयल यांनी अधिकाऱ्यांना दिलेल्या तंबीवरून राजकारण रंगण्याची चिन्हं आहेत. मुबंईतील धारावी झोपडपट्टीच्या विकासाच्या मुद्यावरून सरकार, प्रशासन आणि विरोधकांमध्ये घमासान सुरू आहे. यातच मंत्री गोयल यांनी नवी मुंबईत एकही अनधिकृत झोपडी उभी राहिल्यास अधिकाऱ्यांना जबाबदार धरणार असल्याची तंबी दिली आहे. या तंबीवर अधिकारी खासगीत काहीसी नाराजी व्यक्त करत आहे.